ភ្នំពេញ ៖ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប ប្រកាសជ្រើសរើសបុគ្គលិកជាប់កិច្ចសន្យារយៈពេលខ្លីចំនួន ១១៧ នាក់ ដើម្បីបំពេញការងារជាច្រើនផ្នែកបម្រើដល់ការបោះឆ្នោតក្រុមប្រឹក្សាឃុំ-សង្កាត់ ឆ្នាំ ២០១៧។
សូមជម្រាបថា បើតាមការបញ្ជាក់បន្ថែមរបស់ គ.ជ.ប បានឲ្យដឹងដែរថា បេក្ខជនដែលមានបំណងដាក់ពាក្យសុំប្រឡងចូលបម្រើការងារអាចទៅដាក់ពាក្យប្រឡងនៅទីស្តីការ គ.ជ.ប ដែលមានទីតាំងស្ថិតនៅក្នុងក្រសួងមហាផ្ទៃអគារ H ខាងជើងនៅរៀងរាល់ម៉ោងធ្វើការ។ ពាក្យសុំចូលបម្រើការងារមានចែកជូនដោយឥតគិតថ្លៃ។ ការចាប់ផ្តើមចែកពាក្យ និងទទួលពាក្យសុំប្រទ្បង នៅថ្ងៃទី ២៨ ខែធ្នូ ឆ្នាំ២០១៦ វេលាម៉ោង ៧ ព្រឹក ហើយឈប់ទទួលពាក្យសុំប្រឡងនៅថ្ងៃទី០១ ខែមករា ឆ្នាំ២០១៧ វេលាម៉ោង ៥ និង ៣០ នាទីល្ងាច៕
