ភ្នំពេញ៖ ពលរដ្ឋខ្មែរអាមេរិកកាំងដែលរស់នៅលើកទឹកដីអាមេរិក បានដាក់ពាក្យបណ្ដឹងមួយទៅកាន់តុលាការអាមេរិកនៅរដ្ឋ California ដោយស្នើសុំតុលាការបង្គាប់ទៅក្រុមហ៊ុនប្រេងអាមេរិក Chevron ផ្ដល់វីដេអូដែលបានថតដោយកាមេរ៉ាសុវត្ថិភាព ពីរូបភាពនៃការធ្វើឃាតទៅលើលោកបណ្ឌិត កែម ឡី នៅទីក្រុងភ្នំពេញ កាលពីថ្ងៃទី ១០ កក្កដា ឆ្នាំ២០១៦។ នេះបើតាមឱ្យដឹងពីហ្វេសប៊ុករបស់លោក សម រង្ស៊ី។
តាមហ្វេសប៊ុករបស់លោក សម រង្ស៊ី ពលរដ្ឋខ្មែររស់នៅអាមេរិក ដែលដាក់ពាក្យបណ្ដឹងស្នើក្រុមហ៊ុនសារជីវកម្មប្រេង អាមេរិក Chevron បញ្ចេញ រូបភាពកាមេរ៉ាសុវត្ថិភាពបាញ់សម្លាប់លោក កែម ឡី ពួកគាត់គឺជាក្រុមអ្នកបានដាក់ពាក្យប្រឆាំងរដ្ឋាភិបាលកម្ពុជា ទៅតុលាការឧក្រិដ្ឋកម្មអន្តរជាតិ ICC ករណីរំលោភសិទ្ធិមនុស្ស។
សូមបញ្ជាក់ថា ក្រុមហ៊ុនសារជីវកម្មប្រេង អាមេរិក Chevron មានមូលដ្ឋាននៅក្រុង San Ramon, California សហរដ្ឋអាមេរិក។
លោកបណ្ឌិត កែម ឡី ត្រូវបានខ្មាញ់កាំភ្លើងបាញ់សម្លាប់នៅម្ដុំស្ដុបបូកគោ ក្នុងហាងស្ដាម៉ាតកន្លែងចាក់សាំងរបស់ស្ថានីយកាល់តិច កាលពីថ្ងៃទី១០ កក្កដា ឆ្នាំ២០១៦។
មកដល់ពេលនេះ មានរយៈពេលជាង៥ខែហើយ តែដំណើររឿងក្ដីរបស់លោកមិនទាន់ដំណើរនៅឡើយទេ ខណៈជនសង្ស័យម្នាក់បានអះអាងថា ខ្លួនជាខ្មាន់កាំភ្លើង ឈ្មោះ ជួប សម្លាប់ នោះ ឃុំខ្លួននៅពធន្ធនាគារព្រៃសរ ក៏មិនទាន់បើកការជំនុំជម្រះក្ដីលើបុរសនេះនៅឡើយដែរ៕
