នាយករដ្ឋមន្ដ្រីកម្ពុជា សម្ដេច ហ៊ុន សែន នៅថ្ងៃព្រហស្បតិ៍ ទី ១៥ធ្នូនេះ មានប្រសាសន៍ថា កម្ពុជាមិនមែនជាធុងសំរាមបច្ចេកវិទ្យារបស់ប្រទេសណាមួយឡើយ។ការថ្លែងរបស់លោកនាយករដ្ឋមន្ដ្រីធ្វើឡើងនៅក្នុងពិធីសម្ពោធដាក់ឱ្យប្រើប្រាស់អាគារថ្មីនៃក្រសួងប្រៃសណីយ៍ដែលមានទីតាំងនៅក្បែរសាលារាជធានីភ្នំពេញ។
សម្ដេចនាយករដ្ឋមន្ដ្រីមានប្រសាសន៍បញ្ជាក់ថា អ្វីដែលជារបស់ចាស់ៗពេលខ្លះមិនមែនជារបស់ល្អនោះទេ ទោះបីទៅទិញពីបរទេសផ្ទាល់ក៏ដោយដែលសម្ដេចថា កម្ពុជាមិនមែនជាធុងសំរាមសម្រាប់ដាក់របស់បច្ចេកវិទ្យាទាំងអស់នោះទេ។
តែបើនិយាយពីការលើកឡើងថា កម្ពុជាមិនមែនជាធុងសំរាមនោះ គឺ មិនមែនជារឿងចម្លែកអ្វីឡើយ។ ប៉ុន្ដែអ្វីដែលគួរឱ្យចាប់អារម្មណ៍ពលរដ្ឋខ្មែរក្រីក្រនៅតែប្រើប្រាស់របស់ដែលគេប្រើប្រាស់ហើយ ផលិតនៅប្រទេសទៃយកមកប្រើប្រាស់ក្នុងប្រទេសរបស់ខ្លួន៕
