ភ្នំពេញ ៖ អ្នកជំនាញផ្នែកកសិកម្មមួយរូប ដែលបច្ចុប្បន្នលោកជាស្ថាបនិកគណបក្សប្រជាធិបតេយ្យមូលដ្ឋាន និងជាទីប្រឹក្សាជាន់ខ្ពស់របស់អង្គ ការសេដាកលោកបណ្ឌិត យ៉ង់ សាំងកុមារ បានធ្វើការអត្ថាធិប្បាយនៅក្នុងគ្លិបវីដេអូមួយដែលត្រូវបានចុះផ្សាយនៅទំព័រហ្វេសប៊ុករបស់អង្គការសេដាក ដោយលោកលើកឡើងថា បច្ចុប្បន្នតម្រូវការទទួលទានបន្លែ អូក្រា ឬហៅថា ពោតបារាំង សម្រាប់ពលរដ្ឋក្នុងរាជធានីភ្នំពេញគឺមានប្រមាណ ៣ តោនក្នុងមួយថ្ងៃ ។
ដើម្បីឆ្លើយតបតាមតម្រូវការទីផ្សារបច្ចុប្បន្នលើប្រភេទបន្លែពោតបារាំងនេះ ក្រុមកាងាររបស់លោកបណ្ឌិត យ៉ង់ សាំងកុមារ កំពុងជំរុញការដាំដុះបន្លែនេះ ដែលសព្វថ្ងៃកំពុងធ្វើការដាំដុះនៅស្រុកទឹកឈូ ខេត្តកំពត ដោយលោកសង្ឃឹមថា នឹងអាចផ្គត់ផ្គង់តម្រូវការក្នុងស្រុកបាននាពេលខាងមុខ។
អតីតប្រធានអង្កការសេដាករូបនេះបន្ថែមថា ប្រភេទបន្លែអូក្រា ឬ ពោតបារាំងនេះ គឺងាយស្រួលដាំដុះ និងថែទាំ។ ដោយឡែកបន្លែពោតបារាំង ក៏អាចយកធ្វើជាមុខម្ហូបបានច្រើនប្រភេទផងដែរ។
សូមទស្សនា និងស្តាប់ប្រសាសន៍របស់លោកបណ្ឌិត យ៉ង់ សាំងកុមារ ដូចតទៅ៖
