សហភាពអឺរ៉ុបនិងប្រទេសគុយបាកាលពីថ្ងៃច័ន្ទទី១២ធ្នូបានចុះហត្ថលេខាលើកិច្ចព្រមព្រៀងមួយ ដើម្បីភ្ជាប់ទំនាក់ទំនងជាធម្មតាឡើងវិញ បន្ទាប់ពីខកខានជាច្រើនទស្សវត្ស ដោយសារតែសហភាពអឺរ៉ុបរិះគន់លើប្រទេសកុមុយនីស្ដមួយនេះ ករណីរំលោភសិទ្ធិមនុស្សនៅក្រោមការដឹកនាំរបស់ Fidel Castro ។
គុយបាជាប្រទេសតែមួយគត់នៅប្រទេសអាមេរិកឡាទីន ដែលសហភាពអឺរ៉ុបចាត់ទុករដ្ឋកុមុយនីស្ដមួយនេះ ប្រើប្រាស់អំណាចរបស់រដ្ឋរំលោភសិទ្ធិសេរីភាពប្រជាជនខ្លួនឯង។ប៉ុន្ដែ ការភ្ជាប់ទំនាក់ទំនងរវាងសហរដ្ឋអាមេរិក និងគុយបា ធ្វើឡើងបន្ទាប់ពី លោក Fidel Castro បានទទួលមរណភាព ។
រដ្ឋមន្ដ្រីការបរទេសគុយបា Bruno Rodriguez Parrilla បាននិយាយថា ការភ្ជាប់ទំនាក់ទំនងសេដ្ឋកិច្ចជាមួយសហភាពអឺរ៉ុប គឺជា អាទិភាពមួយសម្រាប់គុយបាអភិវឌ្ឍន៍ប្រទេសឱ្យមានការរីកចំរើន ។
តាមទីភ្នាក់ងារសារព័ត៌មាន AFP កិច្ចព្រមព្រៀងនេះចុះហត្ថលេខាដោយ រដ្ឋមន្ដ្រីការបរទេសគុយបា Bruno Rodriguez Parrilla និងរដ្ឋមន្ដ្រីការបរទេសសហភាពអឺរ៉ុប Federica Mogherini ដែលតំណាងឱ្យសមាជិក ២៨ ប្រទេស៕ប្រភព:AFP