ប៉េកាំង៖រដ្ឋាភិបាលទីក្រុង ប៉េកាំង បានបង្ហាញការព្រួយបារម្ភយ៉ាងខ្លាំងចំពោះលោក ដូណាល់ត្រាំ ដែលមានបំណងចង់ទម្លាក់ចោលគោលនយោបាយចិនតែមួយ ក្នុងនោះក៏មានដែនដីកោះទីក្រុងហុងកុង កោះតៃវ៉ាន់ ដែលជាដែនអធិបតេយ្យរបស់ចិនផងដែរ។
សេចក្ដីថ្លែងការណ៍របស់រដ្ឋាភិបាលចិនធ្វើឡើងឆ្លើយតបទៅនឹងការកត់សំគាល់របស់លោក ដូណាល់ត្រាំ អនាគតប្រធានាធិបតីរបស់អាមេរិក ដែលោកបានលើកឡើងកាលពីថ្ងៃ អាទិត្យ ចុងសប្ដាហ៍កន្លងទៅនេះថានឹងទម្លាក់ចោលគោលនយោបាយចិនតែមួយប្រសិនបើទីក្រុង ប៉េកាំង នៅតែរំលោភបំពានកិច្ចសន្យាពាណិជ្ជកម្មជាមួយសហរដ្ឋអាមេរិកទៀតនោះ។ តាមទីភ្នាក់ងារសារព័ត៌មាន AFP ការព្រមានរបស់លោក ដូណាល់ត្រាំ បានធ្វើឲ្យរដ្ឋាភិ បាលចិនព្រមានតបវិញភ្លាមៗដែរថា ក្រុងប៉េកាំងក៏នឹងមិនលើកលែង កោះតៃវ៉ាន់ ចំពោះអ្វីដែលប្រទេ សធំមួយនេះចាត់ទុក កោះតៃវ៉ាន់ នៅតែជាខេត្ដមួយរបស់ខ្លួន។
រដ្ឋាភិបាលចិនបានដាក់ចុះគោលនយោបាយចិនតែមួយ គឺសំដៅកាត់ផ្ដាច់ទំនាក់ទំនងទ្វេភាគីរវាងប្រទេសផ្សេងៗជាមួយនឹងកោះតៃវ៉ាន់។ គោលនយោបាយចិនតែមួយនេះ ចិនបានដាក់ចុះរយៈពេលជាង ៦០ឆ្នាំមកហើយនៅពេលដែលទីក្រុងតៃប៉ិ បានផ្ដាច់ខ្លួនចេញពីក្រុងប៉េកាំងដោយសារសង្គ្រាមស៊ីវិលនៅឆ្នាំ ១៩៤៩ ៕ប្រភព: AFP
