ភ្នំពេញ ៖ ថ្ងៃទី០៦ ខែធ្នូ ឆ្នាំ២០១៦ កម្ពុជាបានចូលរួមអបអរសាទរទិវាជនពិការកម្ពុជាលើកទី ១៨ និងទិវាជនពិការអន្តរ ជាតិលើកទី ៣៤ ។ ថ្លែងក្នុងអង្គពិធីនៅចំពោះមុខជនពិការរាប់រយនាក់ នៅសាលមហោស្រព កោះពេជ្រ សម្តេច ហ៊ុន សែន នាយករដ្ឋមន្ត្រីកម្ពុជា លើកឡើងដោយទទួលស្គាល់ថា ស្ថាប័នមួយចំនួនរាប់ទាំងរដ្ឋសភាផង នៅមិនទាន់មាន ជម្រាល ឬច្រកចេញចូល សម្រាប់បង្កភាពងាយស្រួលដល់ជនពិការនៅឡើយនោះទេ។
សម្តេចថ្លែងដោយអំពាវនាវដល់ស្ថាប័នសាធារណៈទាំងអស់ ត្រូវធ្វើជម្រាល និងធ្នាក់ដៃសម្រាប់ជនពិការឱ្យបានគ្រប់គ្រាន់ ដើម្បីឱ្យស្ថាប័នឯកជនយកគំរូតាម។
ទាក់ទិនក្នុងរឿងនេះ លោក ងិន សៅរ័ត្ន នាយកប្រតិបត្តិនៃអង្គការជនពិការកម្ពុជា ថ្លែងសាទរចំពោះប្រសាសន៍របស់សម្តេច ហ៊ុន សែន ។ តែយ៉ាងណាលោកសង្កេតឃើញថា មិនត្រឹមតែស្ថាប័នរដ្ឋទេដែលមិនទាន់មានជម្រាលគ្រប់គ្រាន់សម្រាប់ជនពិ ការ សូម្បីតែស្ថាប័នឯកជន សាលារៀន ពិសេសមធ្យោ បាយដឹកជញ្ជូនសាធារណៈ មានរថយន្តក្រុងដើម ក៏នៅមិនទាន់មានជម្រាលគ្រប់គ្រាន់នោះទេ។
សូមនាង កញ្ញា លោក លោកស្រី អញ្ជើញស្តាប់កិច្ចសម្ភាសន៍រវាងលោក កែវ សុខា និងលោក ងិន សៅរ័ត្ន នាយកប្រតិបត្តិ នៃអង្គការជនពិការកម្ពុជា ដូតទៅ!។
