ការិយាល័យប្រឆាំងការជួញដូរមនុស្សប្រាប់ឱ្យពលរដ្ឋប្រុងប្រយ័ត្ន ចំពោះលេខហៅចូលមួយចំនួនដែលមានកលល្បិច បោកបោកបញ្ឆោត និងអាចជាបណ្ដាញរបស់ពួកISIS ។នេះបើតាមហ្វេសប៊ុករបស់ការិយាល័យប្រឆាំងការជួញដូរមនុស្សនៅកម្ពុជាផ្សព្វផ្សាយនៅថ្ងៃទី០៦នេះ។
តាមការិយាល័យប្រឆាំងការជួញដូរមនុស្ស លេខទូរស័ព្ទដែលមានការសង្ស័យទាំងនោះរួមមាន ៖ +37560260528 +37127913091 +37178565072 +56322553736 +37052529259 +255901130460 ឬលេខណាមួយ ដែលចាប់ផ្តើមពី +375, +371, +381 ។
ការិយាល័យនេះបានណែនាំថា៖«ពេលទទួលលេខនេះ គឺ លោកអ្នកនឹងត្រូវបង់សេវា ១៥ដុល្លារ ទៅ៣០ ដុល្លារ។ ជាមួយគ្នានេះ ពួកគេនិងអាចចម្លងបញ្ជីទំនាក់ទំនងរបស់អ្នកនៅក្នុងរយៈពេលត្រឹមតែ ៣វិនាទីប៉ុណ្ណោះ។ ម្យ៉ាងទៀត ប្រសិនបើលោកអ្នកមានលម្អិតធនាគារ ឬកាតឥណទាននៅក្នុងទូរស័ព្ទរបស់អ្នក ពួកគេក៏អាចចម្លងផងដែរ។
សូមបញ្ជាក់ថា លេខទូរស័ព្ទ ឬកូដទូរស័ព្ទមួយចំនួនដែលឱ្យប្រុងប្រយ័ត្ន គឺ អាចមកពីប្រទេសបេឡា រុស(+375) អាហ្វហ្គានីស្ថាន(+371) ( +381) ស៊ែប៊ី(+563) និងតង់ហ្សានី (+255) ជាដើម៕
ព័ត៌មានបន្ថែមបានបញ្ជាក់ទៀតថា ប្រសិនបើអ្នកណាម្នាក់សុំឱ្យអ្នកចុច # 09 ឬ # 90 សូមកុំចុចលេខនេះអោយសោះ ព្រោះអាចជាល្បិចថ្មីមួយដ៏ពេញនិយមរបស់ពួកភេរវករ ដោយពួកគេអាចចូលដំណើរការស៊ីមកាតរបស់អ្នក និងធ្វើឱ្យការហៅទូរស័ព្ទរបស់ពួកគេ គឺ ជាការចំណាយរបស់អ្នក៕
ព័ត៌មានបន្ថែមសូមស្ដាប់ប្រសាសន៍របស់ លោក កែវ ធា ប្រធានការិយាល័យប្រឆាំងការជួញដូរមនុស្ស៖
