UNESCO បានដាក់ បញ្ចូលចាប៉ីដងវែងខ្មែរ ទៅក្នុងសម្បត្តិបេតិកភណ្ឌអរូប៉ីរបស់ មនុស្សជាតិពិភពលោកកាលពីថ្ងៃទី៣០ខែវិច្ឆិកាឆ្នាំ២០១៦នេះ។ លើសពីនេះ UNESCO បានផ្ដល់ថវិកាជាង ២៣ម៉ឺនដុល្លារ សម្រាប់សកម្មភាពគាំទ្រ និងការពារបេតិកភណ្ឌចាប៉ីដងវែងខ្មែរទៀតផង។
លោក ថៃ នរសត្យា រដ្ឋលេខាធិការ និងជាអ្នកនាំពាក្យក្រសួងវប្បធម៌ និងវិចិត្រសិល្បៈ លោកបានផ្តល់សម្ភាសន៍ ឲ្យវិទ្យុស្ត្រីថា កត្តាដែលធ្វើឲ្យ ចាប៉ីដងវែង កម្ពុជាត្រូវបាន អង្គការ UNESCO បានដាក់ បញ្ចូលចាប៉ីដងវែងខ្មែរ ទៅក្នុងសម្បត្តិបេតិកភណ្ឌអរូប៉ីរបស់ មនុស្សជាតិ គឺមាន៤យ៉ាង។ លោកបន្តថា គឺដោយសារអាយុកាលដើមកំណើត ការនិយម និងអត្ថប្រយោជន៍។
លោកបញ្ចាក់ថា មានន័យជាប្រវត្តិសាស្ត្រទៀត សម្រាប់ប្រទេសកម្ពុជា ដែលមានសិល្បះវប្បធម៌មួយថ្មីនេះ មានកេរ្តិ៍ល្បីល្បាញ ជាសាកល។ សូមស្ដាប់បទសម្ភាសន៍រវាងកញ្ញា ច្រឹក ស្រីអូន និងលោក ថៃ នរសត្យា ដូចតទៅ៖
