loader

មេ​បក្ស​ប្រឆាំង​ចង់ឱ្យ​មានការ​ឯកភាព​ជាតិ​រឿង​បោះបង្គោល​ព្រំដែន​តាម​រយៈ​អន្តរាគមន៍​ពី​បារាំង​🔊

ភ្នំពេញ ៖ ​មេ​បក្ស​ប្រឆាំង​លោក​ សម​ រ​ង្ស៊ី​ នៅ​ថ្ងៃ​ទី​២៨​ វិច្ឆិកា​ នេះ​ បាន​ផ្តល់​យោបល់​មួយ​ចំនួន​ជុំវិញ​ការ​បោះបង្គោល​ព្រំដែន​ កម្ពុជា​-​វៀតណាម​ដែល​លោក​ ថា​ ការ​កំណត់​បន្ទាប់​ព្រំដែន​បច្ចុប្បន្ន​ កម្ពុជា​គួរតែ​មាន​ឯកភាព​ជាតិ​ ដោយ​ត្រូវ​មានការ​ចូលរួម​ពី​ប្រទេស​បារាំង​ ទើប​ធានា​ពី​ភាព​អ​ព្យា​ក្រិត​ ដល់​ប្រទេស​ទាំង​ពីរ​។​

តែ​យ៉ាងណា​អ្នកជំនាញ​កិច្ចការ​ព្រំដែន​របស់​រដ្ឋាភិបាល​ លើក​ឡើង​ថា​ កម្ពុជា​បាន​ផ្ញើ​លិខិតស្នើ​សុំ​អ្នកជំនាញ​ពី​បារាំង​រួច​ហើយ​ ដើម្បី​ជួយ​ពិនិត្យ​នៅ​តំបន់​ដែល​នៅ​សេសសល់​មិន​ទាន់​បាន​វាស់វែង​។​ជាមួយ​គ្នា​នេះ​មន្ត្រី​កម្ពុជា​ថា​ ការ​ផ្ដល់​អនុសាសន៍​របស់​មេ​បក្ស​ប្រឆាំង​ជា​រឿង​មិន​បានការ​ ដោយសារ​តែ​ការ​បោះបង្គោល​ព្រំដែន​ជិត​ចប់​ហើយ​ ។​

 

រូបភាពលោក សម រង្ស៊ី ចុះពិនិត្យព្រំដែន កម្ពុជា វៀតណាម។រូបភាពពីហ្វេសប៊ុក លោក សម រង្ស៊ី
រូបភាពលោក សម រង្ស៊ី ចុះពិនិត្យព្រំដែន កម្ពុជា វៀតណាម។រូបភាពពីហ្វេសប៊ុក លោក សម រង្ស៊ី

កិច្ចការ​កំណត់​ព្រំប្រទល់​រវាង​ប្រទេស​កម្ពុជា​ និង​វៀតណាម​ នៅ​តែ​ជា​បញ្ហា​រសើប​ដដែល​ ស្រប​ពេល​ដែល​ភាគី​ កម្ពុជា​-​វៀតណាម​ បាន​ដាក់​លិខិត​រួម​គ្នា​ស្នើ​ឱ្យ​ភាគី​បារាំង​ផ្តល់​អ្នកជំនាញ​ ដើម្បី​ជួយ​ដោះស្រាយ​លើ​ចំណុច​មួយ​ចំនួន​ដែល​ភាគី​ទាំង​មិន​ទាន់​ឯកភាព​គ្នា​នៅឡើយ​នោះ​។​ សម្ដេច​ហ៊ុន​សែន​បាន​ស្នើ​ឱ្យ​មានការ​ផ្ទេរ​ផែនទី​ពី​ខា្ន​ត​១/១00,000​ មក​១/៥0,000​ដែល​សម្ដេច​ថា​ជា​ការ​ងាយស្រួល​ការ​បោះបង្គោល​ព្រំដែន​ជាមួយ​ប្រទេស​។​

​នៅ​ថ្ងៃ​ទី​២៨​ វិច្ឆិកា​នេះ​ លោក​ សម​ រ​ង្ស៊ី​ ប្រធាន​គណបក្សប្រឆាំង​ដែល​កំពុង​រស់នៅ​និរទេស​ខ្លួន​នៅ​ក្រៅប្រទេស​ បាន​លើកយក​បញ្ហា​កំណត់​បង្គោល​ព្រំដែន​ កម្ពុជា​-​វៀតណាម​ ដោយ​ផ្តល់​ជា​យោបល់​លើ​ទំព័រ​ហ្វេ​ស​ប៊ុ​ករប​ស់លោ​កថា​ ដើម្បី​ដោះស្រាយ​បញ្ហា​នេះ​ឱ្យ​បាន​ត្រឹមត្រូវ​ គឺ​កម្ពុជា​ត្រូវ​ស្វែងរក​ផែនទី​ត្រឹមត្រូវ​ ធ្វើ​ជា​មូលដ្ឋាន​បច្ចេកទេស​ដើម្បី​កំណត់ព្រំដែន​។​

​លោក​ផ្តល់​ជា​យោបល់​ថា​ ភាគី​ពាក់ព័ន្ធ​គួរ​ស្នើ​បារាំង​ផ្តល់​ផែនទី​បន្ថែម​ដែល​ស្រប​តាម​រដ្ឋធម្មនុញ្ញ​កម្ពុជា​ ធ្វើ​ជា​មូលដ្ឋាន​។​ លោក​ថា​ផែនទី​បន្ថែម​នោះ​ អាច​ផ្តល់​ការ​ងាយស្រួល​ ក្នុង​ការ​ប្រើប្រាស់​ និង​ការ​អនុវត្តន៍​ កំណត់​បន្ទាត់​ព្រំដែន​ លើ​ដែនដី​ និង​ដែនទឹក​ជាក់ស្តែង​បាន​ផង​ដែរ​។​ ជាង​នេះ​ទៀត​លោក​ថា​ ការ​ផ្តល់​ផែនទី​បន្ថែម​ គឺ​ត្រូវ​ឲ្យ​អ្នកបច្ចេកទេស​បារាំង​ មក​ពិនិត្យ​ស្ថានការណ៍​ជាក់ស្តែង​នៅ​មូលដ្ឋាន​ផង​ដែរ​។

សកម្មភាពអ្នកស្នេហាជាតិពីគណបក្សសង្គ្រោះជាតិចុះពិនិត្យព្រំដែនកម្ពុជា វៀតណាម។រូបភាពពីហ្វេសប៊ុក លោក សម រង្ស៊ី
សកម្មភាពអ្នកស្នេហាជាតិពីគណបក្សសង្គ្រោះជាតិចុះពិនិត្យព្រំដែនកម្ពុជា វៀតណាម។រូបភាពពីហ្វេសប៊ុក លោក សម រង្ស៊ី
​ទាក់ទិន​បញ្ហា​នេះ​លោក​ វ៉ា​ គឹ​ម​ហុង​ ប្រធាន​គណកម្មការ​កិច្ចការ​ព្រំដែន​កម្ពុជា​បាន​ ប្រាប់​វិទ្យុ​ស្ត្រី​ថា​ ការ​វាស់វែង​កំណត់​បន្ទាត់​ព្រំដែន​រវាង​ កម្ពុជា​-​វៀតណាម​ នេះ​ រដ្ឋាភិបាល​បាន​ផ្ញើ​លិខិត​សុំ​ជំនួយ​ពី​ប្រទេស​បារាំង​រួច​ហើយ​ដើម្បី​ដោះស្រាយ​លើ​តំបន់​មួយ​ចំនួន​ដែល​ភាគី​ទាំង​ពីរ​នៅ​មិន​ទាន់​មានការ​ឯកភាព​គ្នា​។​

​យ៉ាងណា​តម្រុយ​ចង់​បង្កើត​គណកម្មការ​ចំរុះ​វាស់វែង​ព្រំដែន​បើ​មាន​សមាសភាព​បក្ស​ប្រឆាំង​ចូលរួម​ លោក​ វ៉ា​ គឹ​ម​ ហុង​ មាន​ប្រសាសន៍​ថា​ មិន​ចាំបាច់​នោះ​ទេ​ ព្រោះ​ កម្ពុជា​-​វៀតណាម​ បាន​ព្រមព្រៀង​បោះបង្គោល​ព្រំដែន​ជិត​ចប់​សព្វគ្រប់​ហើយដោយ​បច្ចុប្បន្ន​ការ​បោះបង្គោល​ព្រំដែន​ក៏​មានការ​ចូលរួម​ពី​គណកម្មការ​ទ្វេភាគី​ជាមួយ​ប្រទេស​ជាប់​ព្រំដែន​ផង​ដែរ​។​ ​លោក​ គឹ​ម​ ហុង​៖«​គណកម្មការ​ចំរុះ​រដ្ឋាភិបាល​មាន​រួច​ហើយ​ ចង់​មាន​គណកម្មការ​ចំរុះ​ចាំ​គណបក្សប្រឆាំង​មាន​អំណាច​ចាំ​ធ្វើ​ កុំមក​ចង់​ចូល​មក​គណកម្មការ​របស់​រដ្ឋាភិបាល​ដែល​គេ​ទទួលស្គាល់​ទ្វេភាគី​ជាមួយ​ ថៃ​ ជាមួយ​វៀតណាម​ និង​ឡាវ​ គឺ​មិនមែន​ជា​គណកម្មការ​ផ្ទៃក្នុង​របស់​យើង​ទេ​»​។​

​ក្នុង​ស​ប្តា​ហ៍​នេះ​ សម្តេច​ ហ៊ុន​ សែន​ បាន​ឆ្លើយ​តប​ទៅ​កាន់​អ្នក​ចូល​បញ្ចេញមតិ​ ក្នុង​ហ្វេ​ស​ប៊ុ​ក​របស់​សម្តេច​ ដែល​មាន​ច​ម្ង​ល់​ជុំវិញ​ បំណង​របស់​នា យក​រដ្ឋមន្ត្រី​ដែល​ចង់​ប្រើប្រាស់​ផែនទី​ UTM​ ខ្នាត​ ១/៥០​ ពាន់​ ជំនួយ​ផែនទី​បោ​ន​ខ្នាត​ ១/១០០​ពាន់​ ដើម្បី​ងាយស្រួល​វាស់វែង​ បោះបង្គោល​ព្រំដែន​។​ សម្តេច​បាន​បង្ហាញ​ជំហរ​ថា​ ផែនទី​ខ្នាត​ ១/១០០​ពាន់​ នៅ​តែ​ជា​ផែនទី​ផ្លូវការ​ ករណី​មានការ​យល់​ខុស​គ្នា​ ត្រូវ​យក​ផែនទី​ខ្នាត​ ១/១០០​ពាន់​ មក​ធ្វើ​ជា​មូល​ដា្ឋ​ន​ក្នុង​ការ​ដោះស្រាយ​ដដែល​។​

​ជុំវិញ​ការ​ប្រើប្រាស់​ខ្នាត​ផែនទី​នេះ​ លោក​ សម​ រ​ង្ស៊ី​ នៅ​ថ្ងៃនេះ​ ក៏​យល់​ស្រប​ថា​ ការ​ពង្រីក​ខ្នាត​ ១/១០០​ពាន់​ គឺ​ ១​ សង់ទីម៉ែត្រ​ លើ​ផែនទី​ក្រដាស​ ស្មើនឹង​ ១​ គីឡូម៉ែត្រ​ លើ​ផែនដី​ជាក់ស្តែង​ ទៅ​ជា​ខ្នាត​ ១/៥០​ពាន់​ គឺ​ ២​ សង់ទីម៉ែត្រ​ លើ​ផែនទី​ក្រដាស​ ស្មើនឹង​ ១​ គីឡូម៉ែត្រ​ លើ​ផែនដី​ជាក់ស្តែង​ គឺ​ខ្នាត​ ១/៥០​ពាន់​ លម្អិត​ជាង​ ២​ ដង​ ហើយ​ក៏​ច្បាស់​ជាង​ ២​ ដង​ ប្រៀបធៀប​ទៅ​នឹង​ផែនទី​ខ្នាត​ ១/១០០​ពាន់​ និង​គ្មាន​អ្វី​ប្រែប្រួល​ជា​លក្ខណៈ​មូល ដ្ឋាន​នោះ​ទេ​។​

​យ៉ាងណា​លោក​ សម​ រ​ង្ស៊ី​ មិន​ភ្លេច​អំពាវនាវ​ឱ្យ​ផ្តល់​យុ​តិ្ត​ធម៌​ និង​ ដោះ​លែង​អ្នក​ស្នេហា​ជាតិ​ដូច​ជា​ លោក​សមាជិក​ព្រឹទ្ធសភា​ ហុង​ សុខ​ហួរ​ និង​តំណាងរាស្ត្រ​ លោក​ អ៊ុំ​ សំ​អាន​ ដែល​ត្រូវ​តុលាការ​ចាប់​ដាក់​ពន្ធ​នា​ គារ​ ករណី​រិះ​គុណ​រឿង​ព្រំដែន​ កម្ពុជា​-​វៀតណាម​ នេះ​៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x