en     km
en     km

ប្រទេសស៊ុយអែតសម្លាប់មេមាន់ ២០ ម៉ឺនក្បាល ដែលសង្ស័យករណីជំងឺផ្តាសាយបក្សី

Share

​រដ្ឋធានី​ស្តុក​ឃុម​ ៖​ ប្រទេស​ស៊ុ​យ​អែ​ត​កាលពី​ថ្ងៃ​សុក្រ​ ទី​២៥​ វិច្ឆិកា​ បាន​សម្លាប់​មេមាន់​ ២០​ ម៉ឺន​ក្បាល​ នៅ​ក្នុង​កសិដ្ឋាន​មួយ​កន្លែង​ដែល​បាន​រក​ឃើញ​ថា​ មាន​ផ្ទុះ​ជំងឺផ្តាសាយបក្សី​  បន្ទាប់​ពី​មាន​លេច​ចេញ​ជា​ថ្មី​នៃ​មេរោគ​ឆ្លង​នេះ​ទូ​ទាំង​អឺរ៉ុប​។

កសិដ្ឋានចិញ្ចឹមមាន់នៅស៊ុយអែត។រូបភាពAFP
កសិដ្ឋានចិញ្ចឹមមាន់នៅស៊ុយអែត។រូបភាពAFP

តម្រុយនៃវីរុស H5N8 ត្រូវបានរកឃើញនៅឯកសិដ្ឋាន Aniagra ក្នុងតំបន់ Morarp ភាគនិរតីប្រទេសស៊ុយអែត កាលពីថ្ងៃព្រហស្បតិ៍ ទី២៤។ ការរកឃើញនេះ បន្ទាប់ពីជំងឺផ្តាសាយបក្សីបានកើតឡើងនៅកសិដ្ឋានចិញ្ចឹមទាមួយកន្លែងជាប់ព្រំដែន ប្រទេសដាណឺម៉ាក ក្នុងទីក្រុង Copenhagen ។

នាយកដ្ឋានកសិកម្មប្រទេសស៊ុយអែតបាននិយាយនៅក្នុងសេចក្តីថ្លែងការណ៍មួយថា៖«មេមាន់សរុបទាំងអស់ ២០ ម៉ឺនក្បាលក្នុងកសិដ្ឋាននេះ ត្រូវ បានសម្លាប់ដើម្បីទប់ស្កាត់ការរីករាលដាលនៃមេរោគនេះ»។

នាយកដ្ឋានកសិកម្មបានសង្កត់ធ្ងន់ថា មិនមានករណីគ្រោះថ្នាក់បណ្តាលមកពីការបរិភោគស៊ុតចេញពីកសិដ្ឋាននេះនោះទេ ហើយមេរោគ H5N8 នេះ មិនឆ្លងពីបក្សីទៅមនុស្សឡើយ។

បើយោងតាមអង្គការសុខភាពពិភពលោក វីរុស H5N8 ដែលបានរកឃើញករណីនេះនៅក្នុង បសុបក្សី រួមមានសត្វ មាន់ ទា ក្វាន និងបក្សីព្រៃ ក្នុង ប្រទេសចំនួន ១០ នៅអឺរ៉ុប ដែលមានដូចជាប្រទេសស៊ុយអែត, ដាណឺម៉ាក, ប្រទេសអាល្លឺម៉ង់, ប្រទេសអូទ្រីស, ក្រូអាស៊ី, ប្រទេសហុងគ្រី, ហូឡង់, ប្រទេសប៉ូឡូញ, ប្រទេសស្វីស និងប្រទេសរុស្ស៊ី។

សប្តាហ៍មុនប្រទេសហូឡង់បានបិទដំណើរកំសាន្តទៅកាន់សួនសត្វ ហើយការបរបាញ់ទាព្រៃក៏ត្រូវបានហាមឃាត់ផងដែរ ដើម្បីបង្កើនវិធានការ ទប់ស្កាត់ជំងឺផ្តាសាយបក្សី៕ប្រភព៖CNA

Share

ព័ត៌មានទាក់ទង

Image