វ៉ាន់ស៊ីនតោន ៖ នៅថ្ងៃអង្គារ ទី២២ វិច្ឆិកានេះ គ្រោះរញ្ជួយដីមួយមានកម្រិត ៥,៦ រ៉ិចទ័រ បានវាយប្រហារនៅភាគកណ្តាលប្រទេស ញ៉ូហ្សាឡេន។ ជាងមួយសប្តាហ៍មកហើយ ដំណើររំញ័រតិចៗបានកើតជាបន្តបន្ទាប់ នៅកណ្ដាលខាងត្បូងកោះនេះ ដែលបណ្តាលឱ្យមនុស្សពីរនាក់ស្លាប់។
ហើយគ្រោះរញ្ជួយដីនៅថ្ងៃអង្គារនេះ ក៏បានវាយប្រហារមកលើឆ្នេរសមុទ្រកោះខាងជើងផងដែរ ដែលកម្លាំងរញ្ជួយបានគ្របដណ្តប់លើផ្ទៃដី ១៣៨ គីឡូម៉ែត្រ។
មនុស្សរាប់ពាន់នាក់មានភាពតក់ស្លុតយ៉ាងខ្លាំង ព្រោះធ្លាប់បានទទួលរងការវាយប្រហារពីគ្រោះរញ្ជួយដីកម្រិត ៧,៨ រ៉ិចទ័រ វាយប្រហារនៅជិតវិហារគ្រិស្តកាលពីថ្ងៃទី១៤ ខែវិច្ឆិកា ថ្មីៗនេះ៕ប្រភព៖CNA
