ភ្នំពេញ ៖ សម្ដេច ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានស្នើសុំ មន្ត្រីក្រសួងឧតុនិយមព្យាករណ៍អាកាសធាតុប្រាប់លោក មុនពេលលោកធ្វើដំណើរតាមឧទ្ធម្ភាគចក្រ ដើម្បីចៀសវាងការប្រថុយប្រថាន ក្នុងការធ្វើដំណើរ។
ការស្នើសុំ ក៏ដូចជាការព្រួយបារម្ភ របស់សម្ដេចនាពេលនេះ គឺ ធ្វើឡើងក្រោយពេលដែលលោក ជិះឧទ្ធម្ភាគចក្រ ចូលរួមក្នុងពិធីសម្ពោធដាក់ឲ្យប្រើប្រាស់ផ្លូវជាតិលេខ៧៦ ក្នុងស្រុកលំផាត់ ខេត្តរតនគិរី នៅព្រឹកថ្ងៃទី២១ វិច្ឆិកានាព្រឹកមិញនេះ ជួបនិងស្ថានភាពអាកាសធាតុមិនល្អ។
ស្តាប់សំឡេង៖
សម្ដេចបន្តទៀតថា លោកក៏មិនចង់ប្រថុយ ចំពោះការនាំទៅរកសេចក្ដីស្លាប់ ដោយសារតែ អាកាសធាតុនេះដែរ។
ស្តាប់សំឡេង៖
ជាមួយគ្នានោះ សម្ដេច ហ៊ុន សែន ក៏បានដាស់តឿន ដល់ រដ្ឋមន្ដ្រីក្រសួងធនធានទឹក និងឧតុនិយម ឱ្យប្រុងប្រយ័ត្នចំពោះរឿងនេះទៀតផង។
បើតាម ការថ្លែងរបស់សម្ដេច ហ៊ុន សែន ប្រហែលជាលើកដំបូងហើយដែល នាយករដ្ឋមន្ត្រីខ្មែររូបនេះ ស្ថិតក្នុងស្ថានភាព អាសន្ន នៅពេលលោកធ្វើដំណើរ តាមអាកាស ចុះជួបពលរដ្ឋ ៕
