លីម៉ា ៖ សេចក្តីថ្លែងការណ៍មួយរបស់រដ្ឋាភិបាលជប៉ុនបានឱ្យដឹងថា លោកប្រធានាធិបតីសហរដ្ឋអាមេរិកបារ៉ាក់ អូបាម៉ា និងនាយករដ្ឋមន្ត្រីជប៉ុនលោក ស៊ីន ហ្សូអាបេ បានចែករំលែកទស្សនៈកាលពីថ្ងៃអាទិត្យទី២០ វិច្ឆិកា ថា ប្រទេសទាំងពីរនឹងបន្តកិច្ចសហការជាមួយគ្នាក្នុងការតស៊ូ ដោះស្រាយស្ថានភាពអន្ដរជាតិនាពេលបច្ចុប្បន្ននេះ។
មេដឹកនាំទាំងពីរបានធ្វើកិច្ចចរចាយ៉ាងខ្លីមួយ ខណៈបានចូលរួមកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុង Lima ប្រទេសប៉េរូ។
សេចក្តីថ្លែងការណ៍នេះ មិនបាននិយាយអ្វីពីស្ថានភាពអន្តរជាតិនាពេលបច្ចុប្បន្ន ដែលចង់សំដៅទៅលើនោះទេ៕ប្រភព៖CNA
