ភ្នំពេញ៖លោក សឺន ជុំជួន នាយកកម្មវិធីសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិ វឌ្ឍន៍មានប្រសាសថា ពិធីបុណ្យអុំទូកឆ្នាំ២០១៦ដែលពលរដ្ឋខ្មែរក្រោមនៅខេត្តនានាទូទាំងដែនដីកម្ពុជាក្រោម បានប្រារព្ធនេះមានឈ្មោះថា “អំណរបុណ្យអកអំបុក”។
តាមលោក សឺន ជុំជួន នៅក្នុងពិធី “បុណ្យអកអំបុក” នេះ ពលរដ្ឋខ្មែរក្រោមបានរៀបចំនូវកម្មវិធីមួយចំនួ នដូចជា ពិធីប្រណាំងទូកង ពិធីបង្ហោះគោម និងពិធីតាំងពិព័រណ៍វប្បធម៌ខ្មែរក្រោមជាដើម។ ក្រៅពីនេះនៅតាមវត្តអារាម ពលរដ្ឋកម្ពុជាក្រោម ក៏បានយកចង្ហាន់ទៅវត្តប្រគេនព្រះសង្ឃសម្ដែងធម៌ទេសនាផងដែរ ។
តាមការបញ្ជាក់ពីនាយកម្មវិធីសមាគមខ្មែរកម្ពុជាក្រោមដើម្បីសិទ្ធិមនុស្សនិងអភិវឌ្ឍន៍រូបនេះនៅក្នុងពិធី“បុណ្យអកអំបុក” នេះក្រុមទូកងតំណាងឲ្យខេត្តនានានៅដែនដីកម្ពុជាក្រោម នឹងមកជួបជុំគ្នាប្រណាំងនៅខេត្តចំនួន ២ គឺខេត្តព្រះត្រពាំង និងខេត្តឃ្លាំង។
ពលរដ្ឋខ្មែរក្រោមតែងតែប្រារព្ធពិធីបុណ្យអកអំបុក លយប្រទីប សំពះព្រះខែ និងបង្ហោះគោមនៅតាមវត្តអាមរាម និងទីកម្សាន្តនានានៅថ្ងៃ១៥ កើត ខែកក្ដិត រៀងរាល់ឆ្នាំ ទៅតាមប្រណីជាតិមិនដែលអាក់ខានឡើយបើទោះបីបច្ចុប្បន្ននេះពលរដ្ឋខ្មែរក្រោមកំពុងរស់នៅក្រោមការគ្រប់គ្រងរបស់រដ្ឋាភិបាលវៀត ណាមយ៉ាណាក៏ដោយ។
ដើម្បីជ្រាបសូមស្ដាប់បទសម្ភាសន៍រវាងកញ្ញា ជុំ ជោគ ជាតា និងលោក សឺន ជុំជួន ដូចតទៅ៖
