ភ្នំពេញ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានចេញសេច ក្ដីអំពាវ នាវមួយដែលស្នើដល់ប្រជាពលរដ្ឋឲ្យដែលគ្រប់អាយុ ១៨ឆ្នាំឡើងទៅ ធ្វើយ៉ាងណារូសរាន់ទៅចុះឈ្មោះបោះឆ្នោតឲ្យបានមុនម៉ោង ៥៖៣០នាទីរសៀលថ្ងៃទី២៩ ខែវិច្ឆិកា ឆ្នាំ ២០១៦។
សេចក្ដីអំពាវនាវរបស់គណៈកម្មាធិការជាតិរៀបចំការបោះឆ្នោតដែលចុះផ្សាយនៅថ្ងៃទី១២ ខែវិច្ឆិកា ឆ្នាំ២០១៦បញ្ជាក់ថា គណៈកម្មាធិការជាតិរៀបចំការបោះឆ្នោតសូមអំពាវនាវចំពោះព្រះសង្ឃគ្រប់អង្គប្រ ជាពលរដ្ឋគ្រប់រូបដែលមានជន្មាយុគ្រប់ ១៨ព្រះវស្សាឬក៏គ្រប់១៨ឆ្នាំឡើងទៅ គិតដល់ថ្ងៃទី០៤ ខែ មិថុនា ឆ្នាំ២០១៧សូមមេត្ដានិមន្ដនិងអញ្ជើញទៅចុះឈ្មោះបោះឆ្នោតឲ្យបានទាន់ពេលវេលាតាមការកំ ណត់ខាងលើ។ បន្ថែមពីនេះ គ.ជ.ប សង្កត់ធ្ងន់ថា ការមានឈ្មោះនៅក្នុងបញ្ជីបោះឆ្នោតឆ្នាំ២០១៦នេះ គឺមានសារៈសំខានណាស់ ព្រោះជាលក្ខខណ្ឌចាំបាច់សម្រាប់ប្រជាពលរដ្ឋខ្មែរគ្រប់រូប ដើម្បីបានបោះឆ្នោតជ្រើសរើសក្រុមប្រឹក្សាឃុំ សង្កាត់ ឆ្នាំ២០១៧។ ជាងនេះគណៈកម្មាធិការជាតិរៀបចំការបោះឆ្នោតបញ្ជាក់ទៀតថា ប្រសិនបើប្រជាពលរដ្ឋទាំងអស់គ្មានឈ្មោះនៅក្នុងបញ្ជីបោះឆ្នោត នៅក្នុងដំណើរការចុះឈ្មោះបោះឆ្នោតរយៈពេល ៣ខែនេះទេអ្នកនោះនឹងពុំមានសិទ្ធិដើម្បីបោះឆ្នោតឡើយ។
គណៈកម្មាធិការជាតិរៀបចំការបោះឆ្នោត តាមរយៈសេចក្ដីអំពាវនាវនេះបង្ហាញក្ដីសង្ឃឹមយ៉ាងមុតមាំថា ព្រះសង្ឃគ្រប់អង្គ ព្រមទាំងប្រជាពលរដ្ឋខ្មែរទាំអស់ ដែលមានសិទ្ធិបោះឆ្នោតហើយ ប៉ុន្ដែមិនទាន់បានទៅចុះឈ្មោះបោះឆ្នោតសូមមេត្ដារូសរាន់និមន្ដ និងអញ្ជើញទៅចុះឈ្មោះបោះឆ្នោតឲ្យបានគ្រប់អង្គ និងគ្រប់ៗគ្នា។
សូមជម្រាបថា ដំណើរការចុះឈ្មោះបោះឆ្នោតគឺមានរយៈពេលបីខែ ចាប់ពីថ្ងៃទី ០១ កញ្ញា រហូតដល់ថ្ងៃទី ២៩ ខែ វិច្ឆិកា ឆ្នាំ ២០១៦ វេលាម៉ោង ៥៖៣០នាទីរសៀល៕
