ភ្នំពេញ ៖ ព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ នឹងចាប់ផ្តើមធ្វើនៅថ្ងៃទីអាទិត្យទី១៣ស្អែកនេះ ខណៈក្រសួងសាធារ ណការ និងដឹកជញ្ជូន រាជធានីភ្នំពេញ ដាក់ឲ្យប្រើប្រាស់បង្គន់សាធារណៈចំនួន ៤២២ បង្គន់ នៅទីតាំំង ២៤ កន្លែង។
បើយោងតាមទំព័រហ្វសប៊ុកផ្លូវការរបស់ក្រសួងសាធារណការ និងដឹកជញ្ជូន បន្ថែមទៀតថា ក្រៅពីបង្គន់ជិតជាង ៤០០ បង្គន់ ក្រសួងក៏បានសងបង្គន់អនាម័យថ្មី ៤ កន្លែងទៀត គឺ ស្ថិតនៅសួនច្បារវត្តបទុមវតី សួនក្រមង៉ុយ សួនកំពង់ចម្លងអរិយក្សត្រ រួចរាល់ហើយដែរ។
បើតាមទំព័រហ្វេសប៊ុកដដែល បានបញ្ជាក់ថា មន្ទីរសាធារណការក៏បានត្រៀមកម្លាំងជិត ៣០០នាក់ ដើម្បីបោសសំរាម និងត្រៀមរថយន្តបូមលូ និងលាងសម្អាតចំនួន ៨ គ្រឿង។
លើសពីនេះ មន្ទីរសាធារណការ កំពុងរៀបចំ កែរលម្អភ្លើងតាមដងផ្លូវ និងសួនច្បារវិមានឯករាជ្យ សួនមាត់ទន្លេជ្រោយចង្វារ ភ្លើងព្រះអង្គដង្កើ និងតម្លើងបង្គោលភ្លើងហ្វាមួយចំនួនទៀត៕
