ក្រុងម៉ានីល ៖ ប្រធានាធិបតីហ្វីលីពីនលោក រ៉ូទ្រីហ្គូ ឌូធើតេ(Rodrigo Duterte) នៅថ្ងៃច័ន្ទទី ០៧ វិច្ឆិកានេះបានបញ្ជាឱ្យលុបចោលការទិញកាំ ភ្លើងប៉ូលីសពីសហរដ្ឋអាមេរិក បន្ទាប់ពីជំនួយការរបស់ព្រឹទ្ធសភាអាម រិក បានឱ្យដឹងកាលពីខែមុនថា ទីក្រុងវ៉ាស៊ីនតោនបានផ្អាកការលក់កាំ ភ្លើងនេះ ដោយសារតែក្តីបារម្ភអំពីការរំលោភបំពានសិទ្ធិមនុស្សអាចកើនឡើង ព្រោះមេដឹកនាំថ្មីដែលទើបឡើងកាន់អំណាច លោក ឌូធើតេ បានសម្លាប់ឧក្រិដ្ឋជនគ្រឿងញៀនក្រៅប្រព័ន្ធតុលាការ។
លោក Duterte បានថ្លែងនៅក្នុងសុន្ទរកថាមួយតាមទូរទស្សន៍នៅក្នុងព្រឹត្តិការណ៍ចូលរួមដោយមេដឹកនាំក្រុមឧទ្ទាមមូស្លីមថា៖«យើងនឹងមិនទទូចទិញសព្វាវុធថ្លៃៗពីសហរដ្ឋអាមេរិកនោះទេ។ យើងអាចទិញអាវុធនៅកន្លែងណាផ្សេងទៀតក៏បាន។ ខ្ញុំបានបញ្ជាឱ្យប៉ូលីសបោះបង់វាចោល។ យើងមិនត្រូវការពួកវាទៀតទេ»។
ទំនាក់ទំនងរវាងសហរដ្ឋអាមេរិក និង ហ្វីលីពីនដែលជាសម្ព័ន្ធមិត្តជាយូរណាស់មកហើយនោះ បានជួបនូវភាពស្មុគស្មាញ ព្រោះមានប្រតិកម្មខ្លាំងៗ និងមានការរិះគន់ទៅលើ Duterte ពីរដ្ឋធានីវ៉ាស៊ីនតោន ក្នុងយុទ្ធនាការបោសសំអាតគ្រឿងញៀនរបស់លោក។
មានមនុស្សជាង ២៣០០ នាក់ហើយត្រូវបានសម្លាប់នៅក្នុងប្រតិបត្តិការរបស់ប៉ូលីស ក្នុងយុទ្ធនាការបោសសំអាតគ្រឿងញៀនក្រោមរដ្ឋបាលរបស់លោក ឌូធើតេ។
កាលពីខែមុនជំនួយព្រឹទ្ធសភាសហរដ្ឋអាមេរិកបានប្រាប់សារព័ត៌មាន Reuters ថា ក្រសួងការបរទេសសហរដ្ឋអាមេរិកបានបញ្ឈប់គម្រោងលក់កាំភ្លើងចំនួន ២៦០០០ដើម ទៅឱ្យប៉ូលីសជាតិហ្វីលីពីន បន្ទាប់ពីព្រឹទ្ធសមាជិកលោក Ben Cardin និយាយថា លោកនឹងប្រឆាំងនឹងការលក់អាវុធនេះ ព្រោះមានការព្រួយបារម្ភអំពីការរំលោភសិទ្ធិមនុស្ស។
តែយ៉ាងណា លោក Duterte បាននិយាយថា ប្រទេសរុស្ស៊ី និង ចិន បានបង្ហាញពីឆន្ទៈក្នុងការលក់អាវុធទៅឱ្យហ្វីលីពីន៕ប្រភព៖CNA
