ប្រជាជនអាមេរិក ជាង៦០ភាគរយ បានអះអាងថា ពួកត្រូវតែចេញទៅបោះឆ្នោត នៅថ្ងៃបោះឆ្នោត ៨វិច្ឆិកា ដែលពួកគេថាជាមោទនភាពនៃប្រទេសអាមេរិកដើម្បីជ្រើសរើស មេដឹកនាំថ្មី រយៈពេល៤ឆ្នាំម្ដង។
តាមការស្ទង់មតិ របស់បណ្ដាញផ្សាយ NBC និង Wall Street Journal ប្រជាជនអាមេរិកភាគច្រើនគឺ៦២ភាគរយថា នឹងចេញទៅកាន់ស្ថានីយបោះឆ្នោត ហើយ ក្រៅពីនេះថា នឹងពិចារណា ថា ទៅបោះឆ្នោត។ ប្រជាជនអាមេរិក សរុប មានចំនួន ៣១៨លាននាក់។ ប្រទេសមហាអំណាចនេះ នឹងបោះឆ្នោត ជ្រើសរើស ប្រធានាធិបតី ថ្ងៃអង្គាទី៨វិច្ឆិកា ត្រូវ ព្រឹកថ្ងៃពុធ ទី៩វិច្ឆិកា ម៉ោងនៅអាស៊ី។
តាមការស្ទង់មតិចុងក្រោយ គឺលោកស្រី ហ៊ីលឡារី គ្លីនតុន បន្តនាំមុខ លោក ដូណាល់ត្រាំមួយភាគរយ ពីរវាង ៤៨-៤៧។ ប៉ុន្តែការស្ទង់មតិតាមបណ្ដារដ្ឋខ្លះមានភាពដាច់ពីគ្នា។
រដ្ឋខ្លះ លោកស្រីគ្លីនតុន នាំមុខ លោកដូណាលត្រាំនិងរដ្ឋខ្លះដូណាល់ត្រាំនាំមុខ លោកស្រីគ្លីនតុន វិញ៕
