នាយកការិយាល័យស៊ើបអង្កេតសហព័ន្ធនៃសហរដ្ឋអាមេរិក FBI លោក James Comey បានប្រាប់សភាថា លោកស្រី គ្លីនតុន មិនអាចជាប់ពិរុទ្ធបទឧក្រឹដ្ឋនោះទេព្រោះ ពុំមានភស្ដុតាងជាក់លាក់ នឹងគ្រប់គ្រាន់ដើម្បីទាញចូលក្នុងបទឧក្រឹដ្ឋអ្វីឡើយ។
នាយក FBI បានថ្លែងដូចនេះបន្ទាប់ពីសភា បានចោទសួរលោកយ៉ាងច្រើន ជុំវិញរឿងអាស្រូវរបស់លោកស្រី ហ៊ីលឡារី គ្លីនតុន បេក្ខជនប្រធានធិបតីមកពីគណបក្សប្រជាធិបតេយ្យដែលត្រូវបានចោទថា លោកស្រី មានអ៊ីម៉ែល ឯកជនអ៊ីម៉ែលផ្ទាល់ខ្លួន រាប់ពាន់អ៊ីម៉ែលធ្វើឲ្យមានការសង្ស័យពីភាពស្មោះត្រង់របស់លោកស្រី ចំពោះការដឹកនាំប្រទេស។
ទោះយ៉ាងណាក៏ដោយបេក្ខជនប្រធានាធិបតី មកពីគណបក្សសាធារណរដ្ឋលោក ដូណាល់ ត្រាំ បានសន្យាថា នៅបន្ដចោទប្រកាន់លោកស្រី គ្លីនតុន ពីបទមិនស្មោះត្រង់និងជាតិ និងពុករលួយ។ លោកស្រី គ្លីនតុន បានប្រាប់អ្នកសារព័ត៌មានថា លោកស្រី មានភាពកក់ក្ដៅឡើងវិញហើយ ដោយសារតែ FBI បកស្រាយរឿងរ៉ាវរបស់លោកស្រី រួចរាល់ហើយ។ លោកស្រីសង្ឃឹមថា ដៃគូប្រកួតជាមួយលោកស្រីមិនប្រើប្រាស់ ករណីនេះជាហេតុផលវាយប្រហារលោកស្រីបន្ដទៀតទេ។
តាមការស្ទង់មតិចុងក្រោយទៀតរបស់ BBC កាលពីថ្ងៃអាទិត្យទី ០៦ វិច្ឆិកា ឃើញថា លោកស្រី គ្លីនតុន បន្ដនាំមុខលោក ដូណាល់ត្រាំ ១ភាគរយ ប៉ុណ្ណោះ។
នៅថ្ងៃទី ០៨ វិច្ឆិកា ខាងមុខនេះប្រជាជនអាមេរិកដែលមានសិទ្ធិបោះឆ្នោត នឹងធ្វើការជ្រើសរើសមេដឹកនាំថ្មីរបស់ខ្លួន គឺមានគូប្រកួតពីររូប លោក ដូណាល់ត្រាំ និងលោកស្រី គ្លីនតុន៕
