ភ្នំពេញ៖ សាលាដំបូងរាជធានីភ្នំពេញ នឹងប្រកាសសាលក្រមសំណុំរឿងសមាជិកព្រឹទ្ធសភាមកពីគណបក្ស សម រង្ស៊ី លោក ហុង សុខហួរ ករណីបង្ហោះឯកសារនៅលើបណ្តាញសង្គមហ្វេសប៊ុក បន្ទាប់ពីតុលាការបើកសវនាកា កាលពីថ្ងៃទី ២៦ ខែ តុលា។
លោក ហុង សុខហួរ នឹងប្រកាសសាលក្រម ធ្វើឡើងនៅរសៀលថ្ងៃទី ០៧ ខែ វិចិ្ឆកា ឆ្នាំ ២០១៦។
លោក ហុង សុខហួរ ត្រូវបានតុលាការចោទប្រកាន់ចំនួន ៣ បទល្មើសគឺ បទក្លែងបន្លំឯកសារសាធារណៈ បទប្រើប្រាស់ឯកសារសាធារណៈក្លែង និងបទញុះញង់បង្កឲ្យមានភាពវឹកវរធ្ងន់ ធ្ងរដល់សន្តិសុខសង្គម តាមមាត្រា ៦២៩ មាត្រា ៦៣០ និងមាត្រា ៤៩៥ នៃក្រមព្រហ្មទណ្ឌ ហើយ អាចនឹងជាប់ពន្ធនាគារចន្លោះពី ៥ ឆ្នាំ ទៅ១០ឆ្នាំ។
