កូរ៉េខាងត្បូងៈប្រធានាធិបតី កូរ៉េខាងត្បូង ប៉ាកគុន ហេ នៅថ្ងៃពុធនេះ បានសម្រេចដកហូតតំណែង នាយករដ្ឋមន្ត្រីពីលោក Hwang Kyo-ahn ដោយតែងតាំង Kim Byong-joon ឡើងជំនួស។
ការដកហូតតំណែងពីលោក Hwang Kyo-ahn បន្ទាប់ពី ប្រជាជនកូរ៉េខាងត្បូង ជាច្រើនម៉ឺននាក់ កាលថ្ងៃអាទិត្យចុងសប្ដាហ៍នេះ បានធ្វើបាតុកម្ម ឱ្យលោកស្រី ប៉ាគុន ហេ ចុះចេញពីតំណែង ដោយសារមិត្តរបស់លោកស្រីម្នាក់គឺ អ្នកស្រី Choi Soon-sil បានប្រើឥទ្ធិពលរបស់លោកស្រី ប្រមូលលុយមូលនិធិ។ យ៉ាងនេះក្ដីអ្នកស្រី Choi Soon-sil ត្រូវរដ្ឋអាជ្ញាធរឃុំខ្លួន ហើយ។
តាមបណ្ដាញផ្សាយព័ត៌មាន Channel News Asia ដែលស្រង់សម្ដី Jung Youn-kuk អ្នកនាំពាក្យ ប្រធានាធិបតី មកចុះផ្សាយថា ក្រៅពីដកហូតតំណែងនាយករដ្ឋមន្ត្រី ក៏លោកស្រី ប៉ាកគុន ហេ បានរុះរើតំណែងរដ្ឋមន្ត្រីពីររូបទៀត គឺ ក្រសួងហិរញ្ញវត្ថុ និងក្រសួងសុវត្ថិភាព និងសន្តិសុខ សាធារណៈ ក៏មានការតែងថ្មីដែរ។
តែសូមជម្រាបថា នាយករដ្ឋមន្ត្រីនៃសាធារណរដ្ឋកូរ៉េ មានតួនាទីត្រឹមតែជាអ្នកគ្រប់គ្រងរដ្ឋបាល និងតំណែងពិធីការតែប៉ុណ្ណោះ៕ ប្រភព:CNA
