ក្រុងប៉េកាំង ៖ កាលពីថ្ងៃអង្គារទី០១វិច្ឆិកាម្សិលមិញ ប្រធានាធិបតីចិនលោក ស៊ី ជីនពីង បានជួបសំណេះ សំណាលជាមួយមេដឹកនាំគណបក្ស ប្រឆាំងរបស់តៃវ៉ាន់ ដែលជំនួបនេះធ្វើឱ្យទំនាក់ទំនងរវាងរដ្ឋាភិបាលក្រុងប៉េកាំង ជាមួយប្រធានាធិបតីថ្មីនៃកោះតៃវ៉ាន់កាន់តែមានភាពល្អក់ កករខ្លាំងឡើង។
ទីភ្នាក់ងារព័ត៌មានចិន Xinhua បានរាយការណ៍ថា លោក ស៊ី បានជួបជាមួយមេដឹកនាំនៃគណបក្ស គួកមីងតាំង [Kuomintang (KMT)] គឺលោក Hung Hsiu-chu នៅសាលប្រជាជន។
ក្នុងជំនួបនោះលោក ស៊ី បានអំពាវនាវឱ្យកោះតៃវ៉ាន់គោរពនូវគោលការណ៍ចិនតែមួយ និងបានសង្កត់ធ្ងន់ពីសារៈសំខាន់នៃការការពារសេចក្តីថ្លៃថ្នូររបស់ជាតិផងដែរ។
ទំនាក់ទំនងចិន-តៃវ៉ាន់ កាន់តែអាក្រក់ឡើងៗ បន្ទាប់ពីប្រធានាធិបតីស្ត្រីដំបូងរបស់តៃវ៉ាន់គឺលោកស្រី សៃអ៊ីងវ៉េន នៃគណបក្សប្រជាធិបតេយ្យរីកចម្រើនដែលបានទទួលជ័យជម្នះភ្លូកទឹកភ្លូកដី កាលពីខែឧសភាលើគណបក្ស គួកមីងតាំង ។
លោកស្រី សៃ បានបដិសេធជាសាធារណៈទទួលយកគំនិតរបស់ចិន តែចង់បញ្ចូលតៃវ៉ាន់ជាចិនតែមួយ។ ហេតុការណ៍នេះធ្វើឱ្យទីក្រុងប៉េកាំង ខឹងសម្បាលយ៉ាងខ្លាំង ព្រមទាំងបានកាត់ផ្តាច់ទំនាក់ទំនងជាផ្លូវការជាមួយរដ្ឋាភិបាលតៃវ៉ាន់ក្រោមការដឹកនាំរបស់អ្នកស្រី សៃ ផងដែរ។
ទីភ្នាក់ងារស៊ីនហួបានរាយការណ៍បន្តថា លោក Hung បានដឹកនាំគណៈប្រតិភូមួយក្រុមពីកោះតៃវ៉ាន់ដើម្បីធ្វើការលើកកម្ពស់ស្ថិរភាព និង សន្តិភាពនៅទូទាំងច្រកសមុទ្រតៃវ៉ាន់ផងដែរ៕ប្រភព៖CNA
