វ៉ាស៊ិនតោ៖ ខណៈការបោះឆ្នោតកាន់តែខិតជិតចូលមកដល់ប្រជាជនអាមេរិកភាគច្រើនចាប់ ផ្ដើមដកចិត្ដបន្ដិចម្ដងៗពីលោកស្រី គ្លីនតុន បេក្ខជនប្រធានាធិបតី មកពីគណបក្សប្រជាធិ តេ យ្យ បន្ទាប់ពីការិយាល័យ សហព័ន្ធ FBI បន្ដបញ្ចេញរឿងអាស្រូវរបស់លោកស្រី កាន់តែច្រើនឡើងៗ ។
តាមការស្ទង់មតិថ្នាក់ជាតិមួយដែល CNN បានធ្វើឡើង ឃើញថា លោកស្រី គ្លីនតុន ធ្លាប់នាំមុខលោក ដូណាល់ត្រាំ រហូតដល់ ១២ ភាគរយ ប៉ុន្ដែឥឡូវនេះលោកស្រី បានធ្លាក់ប្រជាប្រិយភាពយ៉ាងកំហុកគឺនៅសល់តែ ៤៦ភាគរយ ទល់នឹង ៤៥ភាគរយ ប៉ុណ្ណោះ ដែលចំណុចនេះធ្វើឲ្យលោក ដូណាល់ត្រាំ អាចផ្ដួលនឹងលោកស្រី គ្លីនតុន បាននៅថ្ងៃបោះឆ្នោត។
នាពេលថ្មីៗនេះ បណ្ដាញផ្សាយព័ត៌មានអាមេរិកជាច្រើនបានផ្សព្វផ្សាយថា ប្រជាជនអាមេរិកចាប់ផ្ដើមដកសេចក្ដីទុកចិត្ដពីលោកស្រី គ្លីនតុន បន្ដិចម្ដងៗ គឺនៅក្រោយពីពួកគេបានដឹងរឿងអាស្រូវរបស់លោក ស្រី តាមរយៈ លទ្ធផលនៃការស៊ើបអង្គេតនៃការរិយាល័យសហព័ន្ធ FBI បញ្ចេញឯកសារជាច្រើនដោយបញ្ជាក់ថា e-mail ឯកជនរបស់លោស្រី សុទ្ធតែបង្កប់នូវរឿងរ៉ាវដែលគួរឲ្យសង្ស័យបំផុត។
យ៉ាងណាក៏ដោយលោកស្រីបានព្រមានថា នឹងប្ដឹងបកករណីនេះទៅតុលាការសហព័ន្ធ ហើយជាមួយគ្នានេះ គណបក្សប្រជាធិបតេយ្យបានហៅចំណាត់ការរបស់ FBI មកលើលោកស្រី គ្លីនតុន ថារំលោភមកលើច្បាប់សហរដ្ឋអាមេរិក ជាពិសេសគឺរំលោភមកលើបុគ្គលិកលក្ខណៈបេក្ខជនប្រធានាធិបតី ព្រោះ FBI បានកកូរកកាយរឿងនេះ ចំពេលការបោះឆ្នោតកាន់តែជិតចូលមកដល់។
ចំពោះរឿងអាស្រូវរបស់បេក្ខជនទាំងពីររូបនេះ គឺមានដូចៗគ្នា សូម្បីតែលោក ដូណាល់ត្រាំ ក៏មានរឿងអាស្រូវផងដែរ ករណីបៀតបៀនកេរ្ដិ៍ខ្មាស់លើស្ដ្រី។
បើតាមការសិក្សាលើគោលនយោបាយរបស់បេក្ខជនទាំងពីររូបនេះគឺមានភាពខុសៗគ្នា។ លោកស្រី គ្លីនតុន មានគោលនយោបាយការពារជាតិសាសន៍ដទៃទាំងអស់ ដែលមករស់នៅលើទឹកដីសហរដ្ឋអា មេរិក។
ចំណែកឯលោក ដូណាល់ត្រាំ មានគោលនយោបាយចង្អៀតចង្អល់ លើជនអន្ដោប្រវេសន៍គ្រប់ជាតិសាសន៍ទាំងអស់ដែលមកជ្រកកោននៅសហរដ្ឋអាមេរិក ជាពិសេសគឺជនជាតិ ម៉ិកស៊ិក ដោយលោកគម្រាមថា នឹងធ្វើរបងបិទព្រំដែនរវាងប្រទេសទាំងពីរ។
តែយ៉ាងណាក៏ដោយគោលនយោបាយហិរញ្ញវត្ថុរបស់លោក ដូណាល់ត្រាំ ហាក់ល្អប្រសើរជាងលោក ស្រី គ្លីនតុន បន្ដិច។ រីឯគោលនយោបាយសន្ដិសុខជាតិវិញ គឺលោក ដូណាល់ត្រាំ ព្រមមានដកទ័ពរបស់អាមេរិកមួយចំនួដនដែលតាំងនៅបរទេស ដោយជំរុញឲ្យប្រទេសសម្ព័ន្ធមិត្ដខិតខំការពារខ្លួនដោយខ្លួនឯង។ ចំណែកលោកស្រី គ្លីនតុន សន្យាថា រក្សាគោលនយោបាយរបស់លោក អូបាម៉ា បន្ដទៀត។
តែបែបនេះក្ដីបេក្ខជនទាំងពីររូបនេះ សុទ្ធតែមានគោលនយោបាយការបរទេសពិសេសដូចគ្នា ស្ដីសិទ្ធិសេរីភាពរបស់ពលរដ្ឋនៅលើពិភពលោក។ បើគិតពីថ្ងៃនេះទៅ គឺនៅសល់ ៩ថ្ងៃទៀតប៉ុណ្ណោះ ការបោះឆ្នោតនឹងចូលមកដល់ដែលជាការជ្រើសរើសប្រធានាធិបតីលើកទី ៤៥ ជំនួសឲ្យលោក អូបាម៉ា ត្រូវដាក់ឲ្យចូលនិវត្ដន៍៕ ប្រភព:CNNនិងDNTV