សេអ៊ូល ៖ ព្រះរាជអាជ្ញាកូរ៉េខាងត្បូងនៅថ្ងៃចន្ទទី ៣១ ខែតុលានេះ បានសួរដេញដោលស្ត្រីម្នាក់ដែលគេដឹងថា ជាជាជំនិតរបស់លោកស្រីប្រធា នាធិបតី ប៉ាក់ គួនហេ (Park Geun-Hye) ដែលកំពុងត្រូវបានចោទប្រកាន់អំពីការលួចបន្លំមូលនិធិ និងការជ្រៀតជ្រែកក្នុងកិច្ចការរបស់រដ្ឋ។
ស្រី្តម្នាក់នេះ ក៏កំពុងបង្កឱ្យមានរឿងអាស្រូវធ្វើឱ្យពលរដ្ឋអស់ទំនុកចិត្តលើការដឹកនាំរបស់លោកស្រី ប៉ាក់ ផងដែរ បន្ទាប់ពីពលរដ្ឋបានចុះតវ៉ានៅតាមផ្លូវនៅទីក្រុងសេអ៊ូល និងទីក្រុងដទៃទៀត ដើម្បីទាមទារឱ្យលោកស្រី ប៉ាក់ លាលែងពីតំណែង។
មនុស្សជំនិតរូបនោះមានឈ្មោះថា Choi Soon-Sil។ អ្នកស្រីបានបដិសេធនូវរាល់បទល្មើសព្រហ្មទណ្ឌទាំងអស់ ហើយអ្នកស្រីបានចូលបំភ្លឺចំពោះមុខព្រះរាជអាជ្ញានៅទីក្រុងសេអ៊ូល គឺមួយថ្ងៃបន្ទាប់ពីអ្នកស្រីបានជិះយន្តហោះត្រឡប់ពីប្រទេសអាល្លឺម៉ង់វិញ៕ប្រភព៖CNA
