en     km
en     km

សិស្ស​ជាប់​និទ្ទេស​ A​ សុំ​ឱ្យ​ក្រសួង​ និង​ទូត​អា​មេ​រិ​ក​ជួយ​ពួក​គាត់​ បាន​អាហារូបករណ៍​ ដោយ​ការ​អនុគ្រោះ​ច្រើន (មានសំឡេង)

Share

​ភ្នំពេញ៖ ស្ថានទូត​សហរដ្ឋអាមេរិក​ប្រចាំ​កម្ពុជា​ បាន​រៀបចំ​ពិ​ពណ៌​អប់រំ​មួយ​នៅ​កម្ពុជា​ ដើម្បី​បង្ហាញផ្លូវ​ទៅ​ដល់​សិស្សានុសិស្ស​ដែល​ទើបតែ​ប្រ​ទ្ប​ង​ជាប់​បាក់​ឌុ​ប​ឆ្នាំ​ ២០១៦​ ឱ្យ​ពួក​គេ​មានឱកាស​ចាប់​យក​អាហារូបករណ៍​ទៅ​សិក្សា​នៅ​សហរដ្ឋអាមេរិក​។​ ការ​រៀប​ចំនេះធ្វើ​ទ្បើ​ង​នៅ​កម្មវិធី​ពិ​ពណ៌​អប់រំ​សិស្ស​និ​ន្ទេ​ស​ A​ ស្តី​ពី​ការ​សិក្សា​នៅ​សហរដ្ឋអាមេរិក​ នៅ​ក្នុង​បរិវេណ​ស្ថានទូត​អា​មេ​រិ​ក​ប្រចាំ​កម្ពុជា​ កាលពី​ព្រឹក​ថ្ងៃ​ទី​ ៣០​ ខែតុលា​ ឆ្នាំ​២០១៦​ ដោយ​មានការ​ជួបជុំ​សិស្ស​និទ្ទេស​ ​A​ ចំនួន​ ២០០​នាក់​ និង​មាន​វត្តមាន​ឯកអគ្គរដ្ឋទូត​សហរដ្ឋអាមេរិក​ ប្រចាំ​កម្ពុជា​ លោក​ William​ A.​ Heidt​ និង​មន្ត្រី​ក្រសួង​អប់រំ​។​ សិស្ស​និទ្ទេស​A​ម្នាក់​ ដែល​មក​ចូលរួម​ក្នុង​កម្មវិធី​នេះ​ បាន​ឡើង​ចាប់អារម្មណ៍​នឹង​សំ​ណូ​ពរ​ ឱ្យ​ក្រសួង​អប់រំ​ជួយ​ផ្គត់ផ្គង់​ ដល់​ពួក​គាត់​ បន្ថែម​ទៀត​។​ ​លោក​ ធូ វិរៈ​ រាយការណ៍​៖​

 

ឯកអគ្គរដ្ឋទូត​សហរដ្ឋអាមេរិក​ ប្រចាំ​កម្ពុជា​ លោក​ William​ A.​ Heidt​
ឯកអគ្គរដ្ឋទូត​សហរដ្ឋអាមេរិក​ ប្រចាំ​កម្ពុជា​ លោក​ William​ A.​ Heidt​

​សិស្ស​និ​ន្ទេ​ស​ A​ ម្នាក់​ក្នុង​ចំណោម​សិស្ស​និ​ន្ទេ​ស​ A​ ជាង​ ២០០​ នាក់​ផ្សេង​ទៀត​ គឺ​យុវជន​ ខាន់​ លី​ហួរ​ មាន​វ័យ​១៨​ឆ្នាំ​ ដែល​អាច​និយាយ​បាន​ ២​ភាសា​ គឺ​ភាសា​អង់គ្លេស​ និង​ភាសារ​ចិន​ បាន​ផ្តល់​បទ​សម្ភាសន៍​ឱ្យ​អ្នក​សារព័ត៌មាន​ថា​ពិ​ពណ៌​អប់រំ​នេះ​មាន​សារៈសំខាន់​ណាស់​ ក្នុង​ការ​បើកឱកាស​ទៅ​ដល់​សិស្ស​និ​ន្ទេ​ស​ A​ ចាប់​យក​អាហារូបករណ៍​ ទៅ​សិក្សា​បន្ត​នៅ​សហរដ្ឋអាមេរិក​។​  

​លី​ហួរ​ បន្ត​ថា​សិស្ស​ទាំងអស់​ត្រូវ​តែ​សំ​ទ្បឹ​ង​មើលផ្លូវ​ដែល​ត្រូវ​ដើរទៅ​មុខ​ ឱ្យ​បាន​ច្បាស់លាស់​ដើម្បី​ចាប់​យក​ជំនាញ​មួយ​ដែល​ខ្លួន​ពេញចិត្ត​ ទៅ​សិក្សា​នៅ​ក្រៅប្រទេស​ជា​ពិសេស​ត្រូវ​ពង្រឹង​ ភាសា​អង់គ្លេស​ឱ្យ​បាន​ល្អ​ព្រោះ​ភាសា​នេះ​ ជា​យាន​ឈាន​ទៅ​ចាប់​យក​អាហារូបករណ៍​សិក្សា​នៅ​ក្រៅប្រទេស​។​

student-a
​យុវជន​ ខាន់​ លី​ហួរ​ ស្នើ​ឱ្យ​ក្រសួង​អប់រំ​ និង​ស្ថានទូត​នានា​នៅ​កម្ពុជា​បើក​កម្មវិធី​ ផ្តល់​ឱកាស​ដល់​សិស្ស​ឱ្យ​បាន​ស្វែង​យល់​ពី​ របៀប​ដែល​អាច​ចាប់​យក​អាហារូបករណ៍​ ទៅ​សិក្សា​ទៅ​តាម​ស្ថានទូត​នីមួយៗ​។​

«​ខ្ញុំ​គិត​ថា​ការ​បង្កើត​កម្មវិធី​នេះ​ ពិតជា​ល្អ​សម្រាប់​សិស្ស​មិនមែន​ តែ​សិស្ស​និ​ន្ទេ​ស​ A​ តែ​មួយ​មុខ​នោះ​ទេ​ គឹ​សម្រាប់​សិស្ស​ទូទៅ​ ព្រោះ​កម្មវិធី​ដូច​ជា​សម្រាប់​សិស្ស​និ​ន្ទេ​ស​ A​ ប៉ុន្តែ​លើក​ក្រោយ​មួយ​ឆ្នាំ​គេ​ធ្វើ​ម្តង​សម្រាប់​សិស្ស​ទូទៅ​អ​ញ្ចឹ​ង​ពួក​គាត់​អាច​ឆ្លៀតឱកាស​ដើម្បី​ក្រេបជញ្ជក់​នូវ​ប្រ​យោន៍​នេះ​ ណាមួយ​ទៀត​ខ្ញុំ​ចង់​ស្នើ​ឱ្យ​ក្រសួង​យើង​ឬ​ក៏​បណ្តា​ស្ថានទូត​នានា​ បង្កើត​ការ​ស្វែងរក​អាហារូបករណ៍​ ទៅ​តាម​បណ្តា​ប្រទេស​នីមួយៗ​វា​ខុស​គ្នា​យ៉ាងដូចម្តេច​ ហើយ​ដើម្បី​ឱ្យ​ពួក​គាត់​ត្រៀមខ្លួន​រៀបចំ​ឯកសារ​ និង​ apply​ យក​អាហារូបករណ៍​នៅ​ប្រទេស​ទាំងអស់​ហ្នឹង​»​។​

​យុវជន​មួយ​រូប​ទៀត​ដែល​សិក្សា​នៅ​សាលារៀន​អន្តរ​ទ្វីបអាមេរិក​កាំ​ង​ គឺ​យុវជន​ ប៊ុ​ន​ សុ​ត្រា​មុនី​ និយាយ​ថា​ ការ​ជួបជុំ​សិស្ស​និ​ន្ទេ​ស​ A​ នេះ​គឺជា​ការ​លើកទឹកចិត្ត​ឱ្យ​សិស្ស​កាន់តែ​មាន​ជំនឿ​ចិត្ត​បន្ថែម​ទៀត​ ក្នុង​ការ​សិក្សា​និង​ផ្តល់​អត្ថប្រយោជន៍​ជា​ច្រើន​ទៅ​ដល់​សិស្ស​ ដើម្បី​ស្វែង​យល់​ពី​ របៀបរបប​នៃ​ការ​ដាក់​ពាក្យ​ប្រ​ទ្ប​ង​យក​អាហារូបករណ៍​ទៅ​សិក្សា​នៅ​ក្រៅប្រទេស​។​

ប៊ុ​ន​ សុ​ត្រា​មុនី​៖​ «​ជាដំបូង​គឺ​ទី​០១​ មិត្តភាព​នឹង​ផ្តល់​ប្រយោជន៍​ក៏​ដូច​ជា​សារៈសំខាន់​ចំពោះ​សិស្ស​និ​ន្ទេ​ស​A​ទាំងអស់​គ្នា​យើង​នឹង​ពង្រឹង​មិត្តភាព​ដ៏​រឹង​មាំ​មួយ​ហើយ​ ទី​០២​យើង​នឹង​យល់​ដឹង​ព័ត៌មាន​ផ្សេងៗ​ដូច​ជា​យើង​អាច​ចែករំលែក​ព័ត៌មាន​ឱ្យ​គ្នា​ទៅ​វិញ​ទៅ​មក​»​។​

​ក្នុង​ឱកាស​នេះ​ដែរ​ ឯកអគ្គរដ្ឋទូត​សហរដ្ឋអាមេរិក​ប្រចាំ​កម្ពុជា​ លោក​ William​ A.​ Heidt​ បាន​ថ្លែង​ថា​ មូលហេតុ​ដែល​ស្ថានទូត​រៀបចំ​ឱ្យ​មាន​វត្តមាន​សិស្ស​និ​ន្ទេ​ស​A​ គឺ​ក្នុង​គោលបំណង​ដើម្បី​ឱ្យ​សិស្សានុសិស្ស​ដឹង​ថា​សហរដ្ឋអាមេរិក​ កំពុង​តែ​សំ​ទ្បឹ​ងរ​ក​សិស្ស​ឱ្យទៅ​សិក្សា​នៅ​សហរដ្ឋអាមេរិក​ ដែល​មាន​សាលា​ជាង​ ៥​ ពាន់​មានកម្ម​វិធី​សិក្សា​គ្រប់មុខ​វិជ្ជា​។​

​លោក​ William​ A.​ Heidt​ ឱ្យ​សិស្ស​កម្ពុជា​បន្ត​ពង្រឹង​ការ​សិក្សា​ ដើម្បី​ចូលរួម​ចំណែក​អភិវឌ្ឍន៍​ប្រទេស​ជាតិ​ឱ្យ​មានការ​រីក​ចំរើន​ទៅ​មុខ​។​

​លោក​ William​ A.​ Heidt​ ៖«​មាន​សិស្ស​និស្សិត​កម្ពុជា​ដូច​ជា​ក្មួយៗ​មាន​ចំនួន​រាប់​ពាន់​នាក់​ដែល​បាន​សិក្សា​នៅ​សហរដ្ឋអាមេរិក​ ហើយ​បាន​មក​កម្ពុជា​វិញ​ វា​ការ​ល្អ​បំផុត​កា​រៀនសូត្រ​គឺ​ការ​សួរ​ដូច្នេះ​សូមកុំ​ខ្លាច​ អ្វី​ដែល​សំខាន់​ជាងគេ​គឺ​ក្មួយៗ​ចង់​រៀន​ជំនាញ​ដោយ​ខ្លួនឯង​ ដូចនេះ​សូម​សន្យា​ថា​អ្វីៗ​អាច​ទៅ​រួច​ក្មួយ​ជា​អ្នក​បន្ត​ដែល​បន្ត​ខិតខំ​រៀនសូត្រ​ ហើយ​មាន​ជំនាញ​មាន​សមត្ថភាព​ដោយ​ខ្ល​ន​ឯង​មាន​ន័យ​ថា​ក្មួយៗ​ មានការ​ទទួលខុសត្រូវ​ក្នុង​ការ​ជួយ​អភិវឌ្ឍន៍​ នឹង​ធ្វើ​ឱ្យ​ប្រទេស​ម្ពុ​ជា​សម្បូរ​សប្បាយ​»​។​

​ជុំវិញ​នឹង​ការ​លើក​ទ្បើ​ង​នេះ​ អនុរដ្ឋលេខាធិការ​ក្រសួង​អប់រំ​យុវជន​និង​កី​ទ្បា​ លោក​ ទ្បៅ​ ឈី​វ​អ៊ា​វ​ មាន​ប្រសាសន៍​ថា​ ការ​រៀបចំ​ពិ​ព​ណ៍​និ​ន្ទេ​ស​ A​ នេះ​គឺជា​ការ​ជំរុញ​ និង​ជា​ការ​លើកទឹកចិត្ត​ទៅ​ដល់​សិស្សានុសិស្ស​ទាំងអស់​ឱ្យ​ខិតខំ​យកចិត្តទុកដាក់​រៀនសូត្រ​ ជា​ពិសេស​អាច​ផ្តល់​ឱកាស​ឱ្យ​ពួក​គេ​ចាប់​យក​អាហារូបករណ៍​ទៅ​សិក្សា​នៅ​សហរដ្ឋអាមេរិក​។​

​មន្ត្រី​ក្រសួង​អប់រំ​រូប​នេះ​ សង្ឃឹមថា​កម្មវិធី​នឹង​ផ្តល់​ប្រយោជន៍​ជា​ច្រើន​ទៅ​ដល់​សិស្សានុសិស្ស​ដើម្បី​ឈាន​ទៅ​ចាប់​យក​អាហារូបករណ៍​ ទៅ​បន្ត​ការ​សិក្សា​នៅ​សហរដ្ឋអាមេរិក​។​

«​ពិ​ព​ណ៍​អប់រំ​នេះ​ ពិតជា​មាន​សារសំខាន់​ណាស់​សម្រាប់​សិស្ស​និស្សិត​ ជា​ផែនទី​បង្ហាញផ្លូវ​នឹង​ប្រាប់​ប្រភព​សម្រាប់​ការ​ស្រាវជ្រាវ​តាម​ជំនាញ​ឯកទេស​នីមួយៗ​ សេវា​បណ្ណាល័យ​ ប្រភព​សម្ភារៈ​សម្រាប់​សិក្សា​ភាសា​អង់គ្លេស​នឹង​ការ​ប្រើប្រាស់​ជំនាញ​ឯកទេស​ ដើម្បី​អភិវឌ្ឍន៍​សង្គម​ជាតិ​នេះ​គឺជា​ឱកាស​មួយ​យ៉ាង​ល្អ​ដែល​សិស្ស​និស្សិត​អាច​មាន​ទំនាក់​បណ្តាញ​សង្គម​ចែករំលែក​ចំណេះដឹង​ឱ្យ​គ្នា​ទៅ​វិញ​ទៅ​មក​»​។​

​សូម​ជំរាប​ថា​ចាប់តាំងពី​ក្រសួង​អប់រំ​ធ្វើ​កំណែ​ទម្រ​ង​មក​ គឺ​លើក​ទី​មួយ​ មាន​សិស្ស​ដែល​ដែល​ប្រ​ទ្ប​ង​ជាប់​និ​ន្ទេ​ស​ A​ ចំនួន​ ១១​នាក់​ លើក​ទី​ពីរ​ មាន​សិស្ស​និ​ន្ទេ​ស​ A​ ចំនួន​ ១០៨​នាក់​ និង​លើក​ទី​បី​ នៅ​ឆ្នាំ​២០១៥-២០១៦​នេះ​ មាន​សិស្ស​និ​ន្ទេ​ស​ A​ ចំនួន​ ៤០៥​ នាក់​ ដែល​មន្ត្រី​ក្រសួង​អប់រំ​ថា​ ទោះបី​ពី​មួយ​ឆ្នាំទៅ​មួយ​ឆ្នាំ​មាន​ចំនួន​សិស្ស​និ​ន្ទេ​ស​ A​ កើន​ទ្បើ​ង​ក៏​ដោយ​ក៏​នៅ​មាន​កម្រិត​ដែរ​បើ​ធៀប​នឹង​នៃ​ចំនួន​អ្នក​ដែល​បាន​ប្រ​ទ្ប​ង​៕

 

Share

Image
Image
Image