ភ្នំពេញ៖ ភ្លៀងធ្លាក់ខ្លាំងឡាយឡំជាមួយខ្យល់កន្ត្រាក់កាលពីយប់ថ្ងៃទី ២៩ ខែ តុលា ម្សិលមិញ បានបណ្តាលឲ្យផ្ទះប្រជាពលរដ្ឋចំនួន ២៦ ខ្នង រងការខូចខាត និងបណ្តាលឲ្យរងរបួសមនុស្សចំនួន ៤ នាក់ នៅក្នុងចំណោមនោះរបួសធ្ងន់ចំនួន ២នាក់ ស្ថិតនៅឃុំពោធិចំរើន និងឃុំទួលអំពិល ខេត្តកំពង់ស្ពឺ។ នេះបើតាមក្រសួងធនធាន់ទឹក និងឧត្តុនិយម។
ក្រសួងធនធាន់ទឹក និងឧត្តុនិយម បានចេញសេចក្ដីជួនដំណឹងមួយ នាពេលកន្លងមកដោយបញ្ជាក់ថា មានខេត្ដចំនួន ១២ នឹងប្រឈមរងគ្រោះដោយជំនន់ទឹកភ្លៀងចាប់ពីថ្ងៃទី ២២ ដល់ថ្ងៃទី ៣១ ខែ តុលា ឆ្នាំ ២០១៦ ។
តាមការបញ្ជាក់របស់ក្រសួងធនធានទឹកឲ្យដឹងថា ប្រព័ន្ធសម្ពាធទាប គឺនៅតែបន្ដអូសកាត់ពីលើព្រះរាជាណាចក្រកម្ពុជា ស្ថិតនៅក្នុងសមុទ្រចិនខាងត្បូង នឹងវិវត្ដទៅជាសម្ពាធទាបសកម្ម ដែលជម្រុញឲ្យប្រព័ន្ធសម្ពាធទាបកាន់តែមានឥទ្ធិពលមកលើខេត្ដមួយចំនួនប្រទេសកម្ពុជា ៕
