ភ្នំពេញ៖ អង្គការមិនមែនរដ្ឋាភិបាល ស្ដីពីកម្ពុជា (NGOF) និងអង្គការអភិវឌ្ឍ និងភាពជាដៃគូក្នុងសកម្មភាព (DPA) រៀបចំ «សិក្ខាសលាពិគ្រោះយោបល់ថ្នាក់ជាតិក្នុងប្រទេសកម្ពុជា ស្ដីពីគោលការណ៍ណែនាំថ្នាក់តំបន់សម្រាប់ការចូលរួមជាសាធារណៈក្នុងការវាយតម្លៃហេតុផលប៉ះពាល់បិរស្ថាន» នៅថ្ងៃទី ២៨ ខែ តុលា ឆ្នាំ ២០១៦ នៅសណ្ឋាសុខា ក្រុងភ្នំពេញ។ លៀ ស៊ីណា រាយការណ៍៖
បើយោងតាមសេចក្ដីប្រកាសព័ត៌មានដែលមណ្ឌលព័ត៌មានស្ដ្រីកម្ពុជាទទួលបានគឺសិក្ខាសាលានេះ មានគោលបំណងចម្បងបីចំណុចសំខាន់គឺ៖
-ទី១ ជួនដំណឹងដល់ភាគីពាក់ព័ន្ធដែលចាប់អារម្មណ៍អំពីកិច្ចខិតខំប្រឹងប្រែងកិច្ចសហប្រតិបត្ដិការរបស់ក្រុមការងារបច្ចេកទេសថ្នាក់តំបន់ស្ដីពី EIA និងគោការណ៍ណែនាំការអភិវឌ្ឍក្នុងតំបន់។
-ទី២ ប្រមូលមតិយោបល់ពីភាគីពាក់ព័ន្ធ សំខាន់ៗដើម្បីកែលម្អមតិនៃគោការណ៍ណែនាំក្នុងបន់។
-ទី៣ លើកកម្ពស់ការយល់ដឹងនិងភាពជាម្ចាស់នៃគោលការណ៍ណែនាំក្នុងតំបន់ក្នុងគោលបំណងដើម្បីជួយសម្រួលដល់ការអនុម័ត និងការអនុវត្ដរបស់ខ្លួននៅក្នុងប្រទេសនីមួយៗ នៅទូទាំង តំបន់មេគង្គ និងអាស៊ាន ឲ្យបានទូលំទូលាយអំពីការវាយតម្លៃហេតុផលប៉ះពាល់បិរស្ថាន។
កម្មវិធីនេះមានអ្នកចូលរួមប្រមាណ ១០០នាក់ ដែល មកពីស្ថាប័នរដ្ឋាភិបាល អង្គការសង្គមស៊ីវិល ស្ថា ប័នឯកជន គ្រឹះស្ថានសាធារណៈ ក្រុមហ៊ុនប្រឹក្សាច្បាប់ (EIA) អ្នកជំនាញ EIA សាស្ដ្រាចារ្យ អង្គការក្នុងតំបន់ និងអន្ដរជាតិ។
ក្រៅពីនេះក៏មានអ្នកតំណាងអង្គការ PACT និងក្រុមការងារបច្ចេកទេសថ្នាក់តំបន់ (RTWG) ចូលរួមផងដែរ៕
