ភ្នំពេញ៖ ក្នុងបទសម្ភាសន៍មួយជាមួយវិទ្យស្ដ្រី សាស្ដ្រាចារ្យប្រវត្ដិសាស្ដ្រខ្មែរដ៏ល្បីមួយរូបគឺ លោក សំបូរ មាណ្ណារ៉ា បានរកឃើញគុណវិបត្ដិជាច្រើនរបស់ស្ដេចព្រះស្រីសុគន្ធបទ និងនាយ កន ដែលជាប្អូនថ្លៃរបស់ព្រះអង្គ។
លោកសាស្ដ្រាចារ្យបានពន្យល់ហេតុផលជាច្រើនដែលនាំឲ្យរាជបល្ល័ង្ក របស់ព្រះស្រីសុគន្ធបទ ត្រូវបានស្ដេច កន រំលាយគឺទី ១ ការតែងតាំងនាយ កន ជាឧបរាជនាំឲ្យមានការច្រណែននិន្ទា ពីមន្ដ្រីចាស់ៗនៃរាជវាំង។ ទី២ សុបិនដែលព្រះស្រីសុគន្ធបទ បានឃើញនោះក្លាយជាជំនឿមួយធ្វើ ឲ្យហោរាសាស្ដ្ររាជវាំង ឈ្លៀតប្រើប្រាស់តួនាទីរបស់ខ្លួនផ្ចាញ់ផ្ចាលស្ដេច កន។ ទី៣ បរាជ័យដែលមិនបានកោះហៅស្ដេច កន មកចរចាហើយនាំឲ្យបែកបាក់គ្នាកាន់តែខ្លាំងហើយទីបំផុតផ្ទុះសង្គ្រាមនិងទី៤ ខ្វះការពិចារណា នឹងបញ្ហាជាតិមិនត្រូវបានលើកតម្កើង ឲ្យខ្ពស់ជាងបញ្ហាផ្ទាល់ខ្លួន។
លោក សាស្ដ្រាចារ្យបានព្រមានថា សម័យកាលណាក៏ដោយបើមិនមានការឯកភាពជាតិ គឺពិតជានាំឲ្យអន្ដរាយដល់សង្គម។ ដើម្បីជ្រាបបន្ដទៀតសូមស្ដាប់បទសម្ភាសន៍ រវាង កញ្ញា ច្រឹក ស្រីអូន និងលោកសាស្ដ្រាចារ្យ សំបូរ មាណ្ណារ៉ា ដូចតទៅ៖
