ភ្នំពេញ៖ ប្រធានាធិបតីហ្វីលីពីន Rodrigo Duterte ដែលបានធ្វើទស្សនកិច្ចនៅប្រទេសជប៉ុន បានប្រាប់នាយករដ្ឋមន្ដ្រីជប៉ុនថា សហប្រតិបត្តិការទ្វេភាគី រវាងក្រុងម៉ានីល និងក្រុងហ្វីលីពីន នៅតែរឹងមាំជានិច្ច គឺ មិនមានការកាត់ផ្ដាច់ទាក់ទងនឹងគ្នាឡើយ។
លោក Duterte បានទៅដល់ទីក្រុងតូក្យូ កាលពីថ្ងៃពុធ ក្នុងដំណើរទស្សនកិច្ចទៅក្រៅប្រទេស ចាប់តាំងពីលោកចូលកាន់តំណែង នៅថ្ងៃ ៣០ មិថុនា។
ដំណើរទស្សនកិច្ចរបស់មេដឹកនាំហ្វីលីពីន ទៅកាន់ប្រទេសជប៉ុន ធ្វើឡើង បន្ទាប់ពីលោកបានទៅទស្សនកិច្ចនៅប្រទេសចិនកាលពីសប្ដាហ៍មុន។
តាមបណ្ដាញផ្សាយព័ត៌មាន Channel News Asia លោក Duterte បានទទូចឱ្យជប៉ុន បន្ដជួយពង្រឹងសហប្រតិបត្តិការទ្វេភាគីថែមទៀត ហើយជាពិសេស មេដឹកនាំហ្វីលីពីនរូបនេះ ចង់ឃើញជប៉ុន បន្ថែម កម្លាំងវិនិយោគទុនច្រើនថែមទៀត ចូលមកកាន់ប្រទេសដែនកោះនៅអាស៊ីអាគ្នេយ៍ដ៏ធំមួយនេះ។
ថ្លែងនៅចំពោះមុខអ្នកវិនិយោគទុនជប៉ុន លោក Duterte សង្ឃឹមថា កំណើនសេដ្ឋកិច្ចហ្វីលីពីន នឹងកាន់តែកើនឡើង ហើយរឹងមាំ។ ទំហំពាណិជ្ជកម្មជប៉ុន និងហ្វីលីពីន បានកើនជិត២០ពាន់លានដុល្លារ មកដល់ឆ្នាំ២០១៥នេះ។
យ៉ាងណាក៏ដោយលោក Duterte ចង់ឃើញជប៉ុន ដើរតួនាទីសំខាន់ ដើម្បីសន្ដិសុខក្នុងតំបន់៕ ប្រភព:CNA
