អាមេិក៖ បេក្ខជនមកពីគណបក្សសាធារណរដ្ឋ មហាសេដ្ឋីអចលនទ្រព្យ លោកដូណាល់ ត្រាំ បានវាយប្រហារគោលនយោបាយការបរទេសរបស់លោកស្រី ហ៊ីលឡារី គ្លីនតុន ថា នឹងនាំអោយពិភពលោកផ្ទុះសង្គ្រាមលោកលើកទី៣ ករណី សង្រា្គមនៅប្រទេសស៊ីរី ។
លោក ដូណាល់ត្រាំ បានបន្ដថា អាមេរិកពេលនេះ កំពុងតែចង់យកឈ្នះរឿងតែមួយគត់ គឺ លើពួក សកម្មប្រយុទ្ធរដ្ឋឥស្លាម ជាជាងឱ្យប្រធានាធិបតី បាសាល់ អាល់អាសាដ ចុះចេញពីតំណែង។
លោកថា ដូណាល់ត្រាំ បានថ្លែងដូចនេះនៅពេលលោក ធ្វើយុទ្ធនាការរកសម្លេងឆ្នោត នៅរដ្ឋ Miami និងរដ្ឋ Florida។
លោកបានបញ្ជាក់ថា បើអស់លោកទទួលយកគោលនយោបាយលោកស្រី គ្លីន តុន គឺ ពិភពលោកនឹងផ្ទុះសង្គ្រាមលោកលើកទី៣ ដោយសារតែសង្គ្រាមនៅប្រទេសស៊ីរី ដែលទាញអោយមានការជាប់ពាក់ព័ន្ធដោយផ្ទាល់ រវាងកងទ័ពអាមេរិក និងរុស្ស៊ី។ បន្ថែមលើនេះទៀតប្រទេស Iran ដែលជាសម្ព័ន្ធមិត្តក្រុងម៉ូស្គូ អាចនឹងជាប់ពាក់ព័ន្ធក្នុងរឿងនេះដែរ។
ទស្សនៈរបស់លោក ដូណាល់ត្រាំ ទោះជាក្រុមគណបក្សប្រជាធិបតេយ្យ របស់លោកស្រី គ្លីន តុន ច្រានចោលក៏ដោយ ប៉ុន្ដែក្រុមការងារយុទ្ធនាការបោះឆ្នោត របស់លោកត្រាំ បានប្រើប្រាស់យុទ្ធសាស្ដ្របែបនេះ យ៉ាងខ្លាំងក្លានៅទូទាំងប្រទេស។
សហរដ្ឋអាមេរិក នឹងរៀបចំបោះឆ្នោតប្រធានាធិបតី ជំនួសលោក អូបាមា នៅថ្ងៃ៨ វិច្ឆិកា ដែលនៅសល់ជាង១០ថ្ងៃទៀតប៉ុណ្ណោះ នឹងចូលមកដល់។ តាមការស្ទង់មតិដែលបណ្ដាញផ្សាយព័ត៌មាន BBC ចុះផ្សាយនៅថ្ងៃនេះ លោក ដូណាល់ត្រាំ នៅតែស្ថិតពីក្រោយលោក ស្រី គ្លីន តុន នៅឡើយ៕ប្រភព:BBC
