ថៃ៖ ស្ត្រីម្នាក់ជនជាតិថៃ ដែលត្រូវបានចោទពីបទ ប្រមាថព្រះមហាក្សត្ររបស់ខ្លួន ត្រូវបាន ប៉ូលិស និងមនុស្សជាច្រើនរយនាក់ចាប់បង្ខំ និងនាំខ្លួន ឱ្យលុតជង្គង់សុំទោសនៅចំពោះមុខព្រះឆាយាល័ក្ខណ៍ ព្រះសព ភូមិបុល អាឌុលយ៉ាដេត។
កាសែត The Guardian បានចុះផ្សាយនៅថ្ងៃអង្គារនេះថា ស្ត្រីម្នាក់នេះ ឈ្មោះ Umaporn Sarasat អាយុ ៤៣ឆ្នាំ ត្រូវបានប៉ូលិស ចាប់ខ្លួនភ្លាមៗកាលពីថ្ងៃអាទិត្យ ចុងសប្ដាហ៍នេះ បន្ទាប់ពីគាត់បាន បញ្ចេញមតិលើហ្វេសប៊ុកប្រមាថស្ដេចរបស់ខ្លួន។
មិនមែនតែស្ត្រីម្នាក់នេះទេ ត្រូវបានចោទប្រកាន់ គឺមានមនុស្សជាច្រើននាក់ហើយ ត្រូវកាត់ទោស ជាប់ពន្ធនាគារជាច្រើនឆ្នាំ ករណីប្រមាថរាជវង្សថៃ ដែលក្នុងនោះមានទាំង ជនបរទេសទៀតផង។
ប្រទេសថៃប្រកាស កាន់ទុក្ខថ្វាយព្រះសព ភូមិបុល អាឌុលយ៉ាដេត រយៈពេលមួយឆ្នាំ។ ការកាន់ទុក្ខមួយឆ្នាំ គឺតម្រូវឱ្យស្លៀកពាក់ខ្មៅ នៅពេលទៅធ្វើការ ឬនៅទីសាធារណៈ។ មហាក្សត្រ ភូមិបុល អាឌុលយ៉ាដេត បាន ចូលទិវង្គត កាលពីថ្ងៃទី១៣ តុលាក្នុង ព្រះជន្មាយុ៨៨វស្សា ដោយជំងឺចាស់ជរា៕ ប្រភព: The Guardian
