ភ្នំពេញ៖ នៅថ្ងៃទី ២៨ ខែកក្តដា នេះ បណ្តាញយុវជនកម្ពុជា (CYN) បានចេញសេចក្តីជួនដំណឹងគ្រោងរៀបចំព្រឹត្តការណ៍ «អ៊ីនធើណែតបើកទូលាយ ២០១៥» នៅព្រឹកថ្ងៃទី ១៦ ខែសីហា ឆ្នាំ ២០១៥ ខាងមុខនេះនៅភោជនីយដ្ឋានទន្លេបាសាក់ II (ក្បែរស្ពានអាកាសក្បាលថ្នល់) និងមានអ្នកចូលរួមប្រមាណជាង ៣០០ នាក់។
កម្មវិធីនេះ រៀបចំឡើងក្នុងគោលបំណងជួបជុំអ្នកឯកទេសផ្នែកប្រព័ន្ធបច្ចេកវិទ្យាគមនាគមន៍និងព័ត៌មានវិទ្យា (ICT) អ្នកឯកទេសផ្នែកច្បាប់ និងអ្នកប្រើប្រាស់បណ្តាញសង្គម ដើម្បីពិភាក្សានិងចែករំលែកព័ត៌មានដោយសេរីពីសារៈប្រយោជន៍ និងបញ្ហាប្រឈមនានាចំពោះការប្រើប្រាស់ ICT ។
សូមបញ្ជាក់ថា កាលថ្ងៃទី២៤ ខែកក្ដដា ឆ្នាំ២០១៥ នៅសណ្ឋាគារសាន់វ៉េ មានរៀបចំវេទិការ ពិគ្រោះយោបល់ពាក់ព័ន្ធនឹងច្បាប់ស្តីពីច្បាប់ឧក្រិដ្ឋកម្មអ៊ីនធើណែតនេះ ក្នុងបំណងដើម្បីប្រមូលមតិយោបល់របស់អ្នកជំនាញជាតិ និងអន្តរជាតិផ្នែកបចេ្ចកវិទ្យា និងព័ត៌មានវិទ្យា ដើម្បីដាក់ជូនរដ្ឋាភិបាលពិចារណាមុននឹងបង្កើតសេចក្តីព្រាងច្បាប់ឧក្រិដ្ឋកម្មតាមអ៊ីនធើណែត។
