ភ្នំពេញ៖ ពិធីបុណ្យ ១០០ ថៃ្ងសពលោកបណ្ឌិត កែម ឡី អ្នកវិភាគពីបញ្ហាសង្គម ដែលត្រូវបានខ្មាន់កាំភ្លើងបាញ់សម្លាប់កាលពីថ្ងៃទី១០កក្កដាឆ្នាំ២០១៦ ចាប់ផ្តើមប្រារព្ធហើយនៅថ្ងៃ ទី១៤ ខែតុលា នេះ។
ពិធីបុណ្យនេះនឹងមានរយៈពេល៣ថ្ងៃនៅវត្តពោធិយារាម ហៅវត្តចាស់ ហើយមួយថ្ងៃទៀតគឺនៅថ្ងៃទី ១៧តុលា ធ្វើឡើ់ងនៅស្រុកកំណើតរបស់លោកនៅខេត្តតាកែវ។
ក្នុងពិធីបុណ្យកាលពីព្រឹកមិញនេះ កូនភ្លោះទាំងពីរនាក់ គឺយុវជន ជុំ ហួរ ជុំ ហួត ក៏បានមកចូលរួមដែរ។ កូនភ្លោះទាំងពីរនាក់ ត្រូវគេជឿថា ជាសាក្សីមួយដែរ ករណីឃាតកម្ម លើ លោក បណ្ឌិត កែម ឡី ព្រោះពួកគាត់បានជួបលោកបណ្ឌិត មុនមួយថ្ងៃនៃការបាញ់សម្លាប់។
ក្នុងពិធីនេះអ្នករាយការណ៍ព័ត៌មានវិទ្យុស្ត្រី បានជួបយុវជន ជុំ ហួត ដែលបានផ្តល់បទសម្ភាសន៍ថាគេនៅតែមានបំណង ស្វែងរកយុត្តិធម៌ជូនសព លោកបណ្ឌិត កែម ឡី។ តែយ៉ាងណាពួកគាត់សង្ឃឹមថា បើមានមេដឹកនាំថ្មីទើបអាចរកយុត្តិធម៌ជូនលោកបណ្ឌិតបាន។
តើពួកគាត់ ចង់មានន័យដូចម្ដេចបានជានិយាយថា មានមេដឹកនាំថ្មីទើបលោក កែម ឡី ទទួលបានយុត្តិធម៌?
ដើម្បីជ្រាបកាន់តែច្បាស់សូមស្ដាប់បទសម្ភាសន៍រវាងកញ្ញា ច្រឹក ស្រីអូន និងយុវជន ជុំ ហួរ ដូចតទៅ៖
