ភ្នំពេញ៖ វត្តពោធិយារាម ហៅវត្តចាស់ ស្ថិតនៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញជាអារាម តែងតែអនុញ្ញាតឲ្យសកម្មជនដីធ្លី មកពីខេត្តស្នាក់នៅ ហើយក៏ជាកន្លែងអនុញ្ញាតឲ្យ តម្កល់សពលោកបណ្ឌិត កែម ឡី ដែរ។ តែវត្តដ៏ល្បីឈ្មោះនេះ កំពុងត្រូវបានមជ្ឈដ្ឋានមួយចំនួនចោទសួរថា តើហេតុអ្វីបានជាវត្តនេះ មិនទទួលយកការប្រារព្ធបុណ្យ១០០ថ្ងៃជូនលោក បណ្ឌិត កែម ឡី។
ដើម្បីជម្រះមន្ទិលពីបញ្ហានេះ វិទ្យុស្ត្រី ទទួលបានការបកស្រាយ ពីព្រះចៅអធិការ វត្តគឺ ព្រះអង្គ មាស សាខន។
ព្រះអង្គ មាស សាខន មានថេរៈដីការថា គឺអាស្រ័យលើ ពុទ្ធបរិស័ទ និង គណៈកម្មការបុណ្យ តែអ្វីដែលព្រះអង្គ ចេញសេចក្ដីជូនដំណឹងជាសាធារណៈនេះ ព្រោះព្រះអង្គគោរពតាមការសម្រេចរបស់អាជ្ញាធរ។ ព្រះអង្គបន្តថា ព្រះអង្គមិនបិទទ្វារវត្តទេ តែបើអាជ្ញាធរបិទ គឺជាការទទួលខុសត្រូវរបស់ សមត្ថកិច្ច និងគណៈកម្មការបុណ្យ។ ព្រះអង្គបន្ថែមថា វត្តគឺជាស្រែបុណ្យ គឺគ្មានចាត់ទុកក្រុមណាជាសត្រូវទេ៕
ដើម្បីជ្រាប សូមស្តាប់បទសម្ភាសន៍រវាងកញ្ញា ច្រឹក ស្រីអូន និងព្រះអង្គ មាស សាខន ព្រះចៅអធិការ វត្តពោធិយារាម ហៅវត្តចាស់ដូចតទៅ៖
