ហាណូយ ៖ យ៉ាងតិចណាស់ភ្លុកដំរីប្រមាណពីរតោន ត្រូវបានអាជ្ញាធរវៀតណាមរឹបអូសបានពីក្នុងកប៉ាល់ដឹកឈើមួយគ្រឿង កាលពីថ្ងៃសុក្រទី០៧ តុលា ម្សិលមិញ។ ភ្លុកដំរីទាំងនេះ បាននាំចូលពីប្រទេស ម៉ូសំប៊ិក(Mozambique) ស្ថិតនៅភាគខាងត្បូងនៃទ្វីបអាហ្វ្រិច។
អាជ្ញាធរគយនិយាយថា ការរឹបអូសភ្លុកដំរីខុសច្បាប់ទាំងនេះ គឺជាការបង្ក្រាបការចរាចរជួញដូរខុសច្បាប់លើកទី ២ ហើយ បន្ទាប់ពីអាជ្ញាធរទើបតែចាប់បានការជួញដូរភ្លុកដំរីខុសច្បាប់កាលពីសប្តាហ៍មុន។
ទោះបីជាពាណិជ្ជកម្មភ្លុកដំរីត្រូវបានហាមឃាត់នៅក្នុងប្រទេសវៀតណាមយ៉ាងណាក្តី ក៏ប៉ុន្តែប្រទេសនេះនៅតែជាទីផ្សារសំខាន់មួយសម្រាប់ផលិតផលភ្លុកដំរី ហើយភ្លុកដំរីគឺជាវត្ថុដែលមានតំលៃដែលប្រជាជនតែងត្រូវការវាក្នុងគោលបំណងតុបតែងផ្ទះ និងធ្វើជាឱសថ។
ក្រុមមន្ត្រីប៉ូលិសនិយាយថា ពួកគេបានរកឃើញភ្លុកដំរីដំបូងប្រមាណ ៥០០ គីឡូក្រាម នៅក្នុងកេសឈើដែលនាំមកពីប្រទេស ម៉ូសំប៊ិក(Mozambique) នៅកំពង់ផែទីក្រុង ហូជីមិញ ប៉ុន្តែក្រោយមកតួលេខនេះបានកើនឡើង បន្ទាប់ពីការស្វែងរកឃើញភ្លុកដំរីបន្ថែមទៀត។
ករណីថ្មីបំផុតគឺនៅសបា្តហ៍មុននេះ មន្ត្រីប៉ូលិសបានរកឃើញភ្លុកដំរី ៣០០ គីឡូក្រាមក្នុងសប្តាហ៍ នៅព្រលានយន្តហោះទីក្រុងហាណូយ៕
ប្រភព៖CNA
