វ៉ាស៊ីនតោន ៖ លោកប្រធានាធិបតីអាមេរិក បារ៉ាក់ អូបាម៉ា បានឱ្យដឹងកាលពីថ្ងៃសុក្រទី០៧ តុលា ម្សិលមិញថា លោកសម្រេចដកទណ្ឌកម្មលើប្រទេសមីយ៉ាន់ម៉ា ដោយបំណងចង់សង្គ្រោះប្រទេសភូមាឡើងវិញ ព្រោះពីមុនមកអាមេរិកចាត់ទុកថា គោលនយោបាយរបស់អតីតរដ្ឋាភិបាល យោធាបានគំរាមកំហែងដល់សន្តិសុខជាតិសហរដ្ឋអាមេរិក។
លោក អូបាម៉ាបានថ្លែងនៅក្នុងលិខិតមួយដែលផ្ញើទៅមេដឹកនាំសភាដោយសម្រេចចិត្តថា៖«ខ្ញុំបានកំណត់ថា ស្ថានភាពមួយដែលបណ្ដាលឱ្យមាន ការសង្គ្រោះជាតិភូមាបន្ទាន់។ មានការផ្លាស់ប្តូរយ៉ាងខ្លាំងនៅប្រទេសភូមា (មីយ៉ាន់ម៉ា) ដែលលើកកម្ពស់លទ្ធិប្រជាធិបតេយ្យ រួមទាំងការបោះឆ្នោតជាប្រវត្តិ សាស្ត្រកាលពីខែវិច្ឆិកា ឆ្នាំ២១០៥កន្លងទៅ » ។
គួរកត់សម្គាល់ថា រដ្ឋាភិបាលថ្មីភូមា និងសភាជាប់ឆ្នោតបានសម្រេចលុបចោលច្បាប់អាជ្ញាសឹក ឬគេហៅថាច្បាប់រឹតបន្តឹងលំហសេរីភាពរបស់ប្រ ជាជន ដែលវិធាននេះ អតីតរបបយោធាបានដាក់ចុះដើម្បីបំបិទសំឡេងក្រុមប្រឆាំង។ ច្បាប់របស់ពួកយោធា ផ្ដល់អំណាចឱ្យមានការឃុំខ្លួនមនុ ស្សដោយមិនចាំបាច់ធ្វើការជំនុំជម្រះក្ដី។
ប្រភព៖CNA
