ព្រះអង្គ ប៊ុត ប៊ុនតិញ ដែលជាគណៈកម្មការរៀបចំបុណ្យសព លោកបណ្ឌិត កែម ឡី បានប្រកាសជំហរថា ព្រះអង្គនឹងប្រារព្ធពិធីបុណ្យ ១០០ថ្ងៃលោកបណ្ឌិត កែម ឡី ពីថ្ងៃទី១៤ដល់ ទី១៦តុលានៅវត្តចាស់ដែលមានទីតាំងនៅក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ទោះជាមានការរារាំង ពីអាជ្ញាធរក៏ដោយ។
ព្រះអង្គបន្តថា ពុំមានទីតាំងណា លើសពីទីនោះទេ ហើយ អាជ្ញាធរក៏មិនគួរ ជំទាស់ ឬរារាំង ពិធីនេះដែរ។
ក្នុងពិធីបុណ្យនេះ មានការដាក់តាំងពិពរណ៌ រូបថតស្ដីពីសកម្មភាពរបស់លោក កាលលោកនៅរស់ ចំនួន ១០០សន្លឹកនិងរូបសំណាកលោកផងដែរ។
លោកបណ្ឌិត កែម ឡី អ្នកវិភាគ ពីបញ្ហាសង្គម ដ៏ល្បី ត្រូវបានខ្មាន់កាំភ្លើង បាញ់សម្លាប់ នៅកណ្ដាលថ្ងៃនៅរាជធានីភ្នំពេញកាលពីថ្ងៃទី១០ កក្កដា។ ជនសង្ស័យម្នាក់អះអាងថា ឈ្មោះ ជួប សម្លាប់ ត្រូវបាន តុលាការឃុំខ្លួន។
ដើម្បីជ្រាប សូមស្ដាប់បទសម្ភាសន៍រវាងកញ្ញា ច្រឹក ស្រីអូន ជាមួយព្រះអង្គ ប៊ុត ប៊ុនតិញ ដូចទៅ៖
