ក្រុងប៉េកាំងៈ ប្រព័ន្ធផ្សព្វផ្សាយរដ្ឋចិនបានរាយការណ៍ថា ភ្លៀងធ្លាក់យ៉ាងខ្លាំងបានបណ្តាលឱ្យ រអិលបាក់ដីហូរចូលមកក្នុងភូមិ Sucun នៅភាគខាងកើតខេត្ត Zhejiang ប្រទេសចិន កាលពីថ្ងៃពុធ ២៨កញ្ញា។
បណ្ដាញផ្សាយព័ត៌មាន Channel News Asia រាយការណ៍ថាជំនន់ទឹកភ្លៀងនេះ បានលេបត្របាក់ផ្ទះពលរដ្ឋរាប់សិបខ្នង ចំណែកមនុស្ស ២៧នាក់នៅបាត់ខ្លួន។
កាលពីខែមុន កាសែតប្រជាជនចិនបានរាយការណ៍ថា តំបន់ Suichang ក្នុងនោះមានភូមិ Sucun ផងដែរ គឺជាកន្លែងងាយរងគ្រោះពីការបាក់ដី និង ទឹកជំនន់ទឹកភ្លៀង។
ក្រុមអ្នករិះគន់បាននិយាយថា រដ្ឋាភិបាលក្នុងស្រុកជាពិសេសនៅក្នុងខេត្តឆ្នេរសមុទ្រភាគខាងកើតប្រទេសចិន មិនផ្តល់មូលនិធិគ្រប់គ្រាន់ អំពីការ ការពារលើទឹកជំនន់ និងមិន មានវិធានការច្បាស់លាស់ដើម្បីទប់ស្តាត់ បញ្ហាផ្សេងទៀត ដែលបង្កឡើងដោយភ្លៀងធ្លាក់ខ្លាំងក្លា៕ ប្រភព៖CNA
