អាជ្ញាធរប្រទេឥណ្ឌូនេស៊ី បានប្រកាសថា សមត្ថកិច្ចបានជន្លៀសអ្នកទេសចរណ៍ ១១០០នាក់ ចេញពីការវាយប្រហារ ដោយបំផ្ទុះភ្នំភ្លើងដ៏ខ្លាំងមួយ។
តាមបណ្ដាញផ្សាយព័ត៌មាន BBC ភ្នំដែលបង្អោលកំអែលភ្នំភ្លើង ផ្សែងភ្នំភ្លើង គឺ ភ្នំ បារ៉ូចារី (Barujari) នៅលើកោះឡាំបុក។ បាតុភូតនេះបានផ្ទុះឡើងតាំងពីថ្ងៃអង្គា ដោយបាញ់កំអែលផេះ ២រយម៉ែត្រ ឡើងទៅលើ។
ពួកមន្ដ្រីនិយាយថា សមត្ថកិច្ចកំពុងតែស្វែងរកអ្នកទេសចរណ៍ ជាច្រើននាក់ទៀត ដែលសង្ស័យថាបាត់ខ្លួន នៅតំបន់ភ្នំភ្លើងដែលកំពុងតែវាយប្រហារនេះ។
តាមប្រភពដដែល អ្នកទេសចរណ៍បរទេស ដែលបានទៅដល់តំបន់នោះ មាន៤រយនាក់ ហើយជាមួយគ្នានោះ មានអ្នកទេសចរណ៍ក្នុងស្រុកជាច្រើនពាន់នាក់ទៀតផង។
ប្រទេសឥណ្ឌូនេស៊ី មានភ្នំរាប់ពាន់ ប៉ុន្ដែភ្នំដែលតែងតែបង្អោលភ្នំភ្លើង មាន១៣០ ភ្នំ៕ប្រភពៈBBC
