ភ្នំពេញ៖ ក្រសួងធនធានទឹក និង ឧតុនិយម បានចេញសេចក្ដីជូនដំណឹងមួយស្ដីពីកម្រិតទឹកភ្លៀង នឹងធ្លាក់ក្នុងបរិមាណច្រើនចាប់ពីថ្ងៃទី ២៧ កញ្ញា ដល់ថ្ងៃទី ០៣ ខែ តុលា ឆ្នាំ ២០១៦។
សេចក្ដីជូនដំណឹងនេះបានឲ្យដឹងថា ខ្យល់មូសុងនិរតី កំពុងតែបង្កើនឥទ្ធិពលមកលើព្រះរាជាណាចក្រកម្ពុជា និងលើឈូងសមុទ្រថៃ។ ជាងនេះប្រព័ន្ធសម្ពាធទាប ក៏កំពុងតែអូសបន្លាយកាត់លើភាគកណ្ដាលប្រទេសថៃ និងភាគខាងត្បូងប្រទេសឡាវ។
យោងតាមការព្យាករណ៍ ស្ថានភាពអាកាសធាតុបានឲ្យដឹងថា តំបន់វាលទំនាប និងខ្ពង់រាប នឹងមានភ្លៀងនឹងបង្កើនការធ្លាក់រ៉ាយប៉ាយជាមួយបរិមាណកើនឡើងពីបង្គួរទៅច្រើន។ ចំណែកតំបន់មាត់សមុទ្រនឹងមានភ្លៀងធ្លាក់ពីមធ្យមទៅច្រើន។
ក្រសួងធនធានទឹក និង ឧតុនិយមក្នុងសេចក្ដីជូនដំណឹងដែលផ្សព្វផ្សាយនៅថ្ងៃ អង្គារិ៍ ទី ២៧ ខែ កញ្ញា ឆ្នាំ ២០១៦ ក៏បានអំពាវនាវដល់ប្រជាពលរដ្ឋក្នុងខេត្ដចំនួន ៦ ឲ្យបង្កើនការប្រុងប្រ័ត្នឲ្យបានខ្ពស់ព្រោះខេត្ដទាំងនេះនឹងប្រឈមជាមួយជំនន់ទឹកភ្លៀងចាប់ពីថ្ងៃទី ០១ ដល់ថ្ងៃទី ០៣ ខែ តុលា ឆ្នាំ ២០១៦ ខាងមុខ ។ ខេត្ដទាំង ៦ នោះរួមមាន ខេត្ដ ពោធិសាត់ ខេត្ដ កំពង់ស្ពឹ ខេត្ដ កំពង់ឆ្នាំ ខេត្កកណ្ដាល ខេត្ដតាកែវ និងខេត្ដកំពត ៕
ខេត្ដមួយចំនួន ក្នុងប្រទេសកម្ពុជានឹងជួបប្រទះជំនន់ទឹកភ្លៀង
Share
Share
ព័ត៌មានទាក់ទង
