ភ្នំពេញ៖ មណ្ឌលព័ត៌មានស្ត្រីកម្ពុជា (WMC)ដែលសហការជាមួយដៃគូជាតិនិងអន្តរជាតិ នៅថ្ងៃចន្ទទី២៦កញ្ញានេះ បាន បើកវេទិកាសហគមន៍ ស្ដីពីការទទួលបានព័ត៌មានធ្វើឡើងនៅរាជធានីភ្នំពេញ។
តាមអ្នករាយការណ៍ព័ត៌មានរបស់វិទ្យុស្ត្រី បានរាយការណ៍ថា វេទិកានេះ មានពលរដ្ឋ ជាកសិករ តំណាងសហគមន៍នានា មកពីខេត្ត ស្វាយរៀង ព្រៃវែង តាកែវ កណ្ដាល និងភ្នំពេញ ហើយវេទិកានេះ ធ្វើឡើងដោយមណ្ឌលព័ត៌មានស្ត្រីកម្ពុជា សហការជាមួយ ក្រសួងព័ត៌មាន អង្គការ UNESCO ស្ថានទូតស៊ុយអ៊ែត និង ការិយាល័យសិទ្ធិមនុស្ស អង្គការសហប្រជាជាតិ ប្រចាំនៅ កម្ពុជា។
លោកស្រី ជា ស៊ុន ដាណែត នាយិកាប្រតិបត្តិមណ្ឌលព័ត៌មានស្ត្រីកម្ពុជា បានឡើងថ្លែង សុន្ទរកថា បើក កម្មវិធីនេះ ដោយ លោកស្រីបានលើកឡើងអំពី សារប្រយោជន៍ និងសារសំខាន់ នៃ វេទិកានេះ ជូនដល់តំណាង ដៃគូពាក់ព័ន្ធនិងតំណាងសហគមន៍ មកពីខេត្តទាំងនេះ។
សូមជំរាបថា នេះជាលើកទី ១ ឆ្នាំទី ២ ដែលមណ្ឌលព័ត៌មានស្ដ្រីកម្ពុជាបានបើកវេទិកានេះឡើង ក្រោមកិច្ចសហប្រតិបត្ដិការ ឧបត្ថមដោយ អង្គការ UNESCO និង ស្ថានទូត ស៊ុយអែតប្រចាំនៅកម្ពុជា ដោយមានក្រសួងព័ត៌មានជាដៃគូសហប្រតិបត្ដិការមួយផងដែរ៕
