EU៖ មេដឹកនាំប្រទេសបារាំង និងអាល្លឺម៉ង់ និយាយថា សហភាពអឺរ៉ុបបានព្រមព្រៀងគ្នាលើចំណុចអាទិភាពមួយ ដើម្បីកែប្រែស្ថានភាពដ៏អា ក្រក់ ខណៈសហភាពអឺរ៉ុបកំពុងធ្លាក់ក្នុងស្ថានភាពធ្ងន់ធ្ងរ បន្ទាប់ពីចក្រភពអង់គ្លេសបានបោះឆ្នោតចាកចេញពីសហភាពអឺរ៉ុប។
មេដឹកនាំទាំងពីរបានបង្ហាញការរួបរួមជានិមិត្តរូបមួយ ដែលធ្វើឡើងក្នុងសន្និសីទកាសែតមួយបន្ទាប់ពីមានកិច្ចពិភាក្សារួមគ្នាមួយ ក្នុងកិច្ចប្រជុំកំ ពូលនៅក្នុងរដ្ឋធានី Bratislava ប្រទេសស្លូវ៉ាគី។
កិច្ចប្រជុំដែលមានបណ្តាលប្រទេសទាំង ២៧ ចូលរួមនេះ គឺជាកិច្ចប្រជុំដ៏ធំដំបូងរបស់សហភាពអឺរ៉ុប ខណៈចក្រភពអង់គ្លេសគ្មានវត្តមាននៅក្នុងកិច្ចប្រជុំនេះទេ។
អធិការបតីអាល្លឺម៉ង់ លោកស្រី អង់ហ្គើឡា ម៉ាក់គែល(Angela Merkel) និងលោកប្រធានាធិបតីបារាំង Francois Hollande បានឱ្យដឹងថា វិបត្តិចំណាកស្រុកគឺជាបញ្ហាសំខាន់។ លោកហូឡង់និយាយថា៖ «យើងមិនបានគេចពីអ្វីនោះទេ»។ «យើងបានសម្រេចចិត្តថាការរួមគ្នា។ យើងត្រូវតែដោះស្រាយជាមួយនឹងបញ្ហាចំណាកស្រុក ខណៈមានការស្នើឱ្យគោរពសិទ្ធិជ្រកកោន»។
តែយ៉ាងណាភាពតានតឹងលើបញ្ហាជនចំណាកស្រុក បានកើតមាននាកិច្ចប្រជុំនោះ។
ប្រទេសស្លូវ៉ាគី ប្រទេសហុងគ្រី សាធារណរដ្ឋឆែក និងប៉ូឡូញ បានបដិសេធមិនទទួលយកកូតាពីសហភាពអឺរ៉ុប សម្រាប់អ្នកស្វែងរកសិទ្ធិជ្រកកោនលំនៅដ្ឋាន រួមមានជនភៀសខ្លួនជាច្រើនមកពីប្រទេសស៊ីរី។
ប្រទេសទាំងនេះស្ថិតនៅក្រោមសម្ពាធក្នុងការទទួលយកកូតាជនភៀសខ្លួនពីប្រទេសក្រិច និងអ៊ីតាលី ប្រមាណ ១៦ម៉ឺនជំរំ ដែលអាចត្រូវបានផ្លាស់ប្តូរទីតាំង៕ប្រភព៖BBC