ប្រេស៊ីល៖ រដ្ឋអាជ្ញាសហព័ន្ធនៃប្រទេសប្រេស៊ីល បានសម្រេចចោទប្រកាន់ប្រឆាំងអតីតមេដឹកនាំ របស់ខ្លួន គឺ ប្រធានាធិបតី Luiz Inacio Lula da Silva ពីបទពុករលួយនូវទឹកប្រាក់រាប់រយលានដុល្លារអាមេរិក។
តាមបណ្ដាយផ្សាយព័ត៌មាន BBC ក្រុមរដ្ឋអាជ្ញាបានរកឃើញអតីតប្រធានាធិបតី និងសមាជិកគ្រួសាររបស់លោក មានវីឡាធំៗ ប្រណិត ជាច្រើនកន្លែងនៃឆ្នេរសមុទ្រ Guaruja ។ ប៉ុន្ដែអតីតប្រធានាធិបតីរូបនេះ បានបដិសេធដោយចាត់ទុកថា ករណីរបស់លោកជារឿងនយោបាយ។
តាមការស្រាវជ្រាវរបស់រដ្ឋអាជ្ញាសហព័ន្ធ គឺ លោក Luiz Inacio Lula da Silva បានប្រព្រឹត្តអំពើពុករលួយមួយទៀត នៅក្នុងភាគហ៊ុនប្រេងរបស់ប្រទេស។
សូមជម្រាបថា លោកស្រី Dilma Rousseff ដែលត្រូវបានព្រឹទ្ធសភាបណ្ដេញចេញពីតំណែងក៏ស្ថិតនៅក្រោមបទចោទប្រកាន់ ករណី ពុករលួយដូចគ្នានេះដែរ៕