ក្រុងសេអ៊ូល៖ កូរ៉េខាងជើងនិយាយនៅថ្ងៃអាទិត្យទី ១១ កញ្ញានេះថា ការជំរុញរបស់សហរដ្ឋអាមេរិក ដែលដាក់ទណ្ឌកម្មលើការធ្វើតេស្តនុយ ក្លេអ៊ែរលើកទីប្រាំរបស់ខ្លួន គឺជារឿងគួរឱ្យចង់សើចណាស់ ហើយប្រទេសនេះ នឹងបន្តពង្រឹងឥទ្ធិពលនុយក្លេអ៊ែររបស់ខ្លួនបន្ថែមទៀត។
អ្នកនាំពាក្យក្រសួងការបរទេសបានប្រាប់ទីភ្នាក់ងារព័ត៌មាន KCNA របស់រដ្ឋកូរ៉េខាងជើងក្នុងសេចក្តីថ្លែងការណ៍មួយថា «ក្រុមរបស់លោក អូបាម៉ា កំពុងនិយាយអំពីការដាក់ទណ្ឌកម្មដែលគ្មានន័យអ្វីសោះ និងជារឿងគួរឱ្យចង់សើចណាស់រហូតមកដល់សព្វថ្ងៃនេះ»។
សហរដ្ឋអាមេរិកបានដាក់ទណ្ឌកម្មជាឯកតោភាគី ផ្តើមប្រឆាំងនឹងប្រទេសកូរ៉េខាងជើងតាមរយៈប្រេសិតពិសេសរបស់សហរដ្ឋអាមេរិក នៅថ្ងៃអាទិត្យនេះ គឺពីរថ្ងៃបន្ទាប់ពីកូរ៉េខាងជើងបានអនុវត្តការធ្វើតេស្តនុយក្លេអ៊ែរលើកទីប្រាំ និងជាការធ្វើតេស្តទ្រង់ទ្រាយធំបំផុតរបស់កូរ៉េខាងជើង ដែលសកម្ម ភាពនេះគឺស្ថិតក្នុងការដាក់ទណ្ឌកម្ម របស់អង្គការសហប្រជាជាតិ៕ប្រភព៖CNA
