ភ្នំពេញ៖ ប្រធានាធិបតី តួកគី Recep Tayyip Erdogan បានបង្ហើបឱ្យដឹងថា កងទ័ពតួកគី និងសហរដ្ឋអាមេរិក បានត្រៀមរួចហើយ ដើម្បីចូលកាន់កាប់ ទីក្រុង ដ៏រឹងមាំមួយ របស់សកម្មជនប្រយុទ្ធ IS គឺទីក្រុង Raqqa។
លោក Erdogan បាននិយាយថា ប្រធានាធិបតីអាមេរិក បានសាទរហើយសន្យាចូលរួម ប្រឆាំងនិងពួកសកម្មប្រយុទ្ធ។
តាមបណ្ដាញផ្សាយព័ត៌មាន BBC ការសន្ទនារវាងមេដឹកនាំតួកគី និងសហរដ្ឋអាមេរិក ធ្វើឡើងតាមប្រព័ន្ធទូរស័ព្ទ គឺនៅខណៈដែលលោក អូបាម៉ា កំពុងចូលរួមកិច្ចប្រជុំនៃប្រទេសជឿនលឿន G20 នៅប្រទេសចិន។ លោក Erdogan បន្ដថា តួកគី នឹងលុកលុយបានយ៉ាងឆាប់បំផុត។
តាមប្រភពដដែល កងទ័ពតួកគី បានទៅដល់ព្រំដែនប្រទេសស៊ីរី រួចទៅហើយ។
ប្រទេសតួកគី បានធ្លាក់ចូលទៅក្នុងសង្គ្រាមចាប់តាំងពីឆ្នាំ២០១១ មក ដែលបណ្ដាលឱ្យជន ស៊ីវិល ស្លាប់រាប់សែន និងជាច្រើនលាននាក់ទៀតក្លាយជាជនភៀសសឹក។
ប៉ុន្ដែប្រទេសឥស្លាមមួយនេះ បានធ្លាក់ក្នុងស្ថានភាពអាក្រក់ថែមទៀតនោះ ដោយសារតែ ពួកសកម្មប្រយុទ្ធ IS បានធ្វើសកម្មភាពបំផ្លិចបំផ្លាញសន្ដិភាពរបស់ប្រទេសនេះ៕
ប្រភព:BBC
