ជប៉ុន៖ ជនជាតិជប៉ុនជាអំបូរមនុស្ស មានអាយុច្រើនជាងគេបង្អស់ នៅលើពិភពលោក។ អ្នកខ្លះមានអាយុជាង១១០ឆ្នាំបានស្លាប់។ បុរសម្នាក់ឈ្មោះ Fukutaro Fukui បានសម្រេច ចូលនិវត្តន៍នៅអាយុ១០១ឆ្នាំ ពីការងារជាស្មៀននៃក្រុមហ៊ុនឆ្នោត Tokyo Takara Shokai។
តាមគេហទំព័រ Asian Review លោកតា Fukutaro Fukui បានចាកចេញពីការងារមួយ របស់ក្រុមហ៊ុនសន្តិសុខ គឺនៅពេលលោកអាយុ ៧០ឆ្នាំ ដែលជាពេលវេលា ត្រូវចូលនិវត្តន៍។ប៉ុន្តែ លោកតា បានសម្រេចបន្តការងារថ្មីមួយទៀត គឺជាស្មៀនម្នាក់របស់ ក្រុមហ៊ុនឆ្នោត Tokyo Takara Shokai។ លោកតាបានធ្វើការងារនេះ បាន៣១ឆ្នាំ ទើប សម្រេចចូលនិវត្តន៍ដោយនៅអាយុ១០១ឆ្នាំ។
តាម Asian Review បច្ចុប្បន្ន លោកតា Fukutaro Fukui មានអាយុ១០៤ឆ្នាំ។
លោកតា វ័យ១០៤ឆ្នាំរូបនេះ ជាពលរដ្ឋ រស់នៅសង្កាត់ Chigasaki ជាយរាជធានីតូក្យូ។
លោកតា Fukutaro Fukui៖«វាមិនមានបញ្ហាអ្វីទេ សម្រាប់ខ្ញុំ ចំពោះអ្វីដែលយើងសម្រេចបាន ឬ ត្រូវបានគេលើកទឹកចិត្ត។ ខ្ញុំធ្វើការងារនេះ ព្រោះវាជាសភាវគតិរបស់ខ្ញុំ»។ ប្រភព: Asian Review
