ភ្នំពេញ៖ សាស្ដ្រាចារ្យប្រវត្ដិសាស្ដ្រខ្មែរឲ្យដឹងថា ព្រះបាទជ័យវរ្ម័នទី ៧ បានធ្វើឲ្យសម័យអាណាចក្រអង្គរមានភាពរុងរឿង និង រីកចម្រើនប្រកប ដោយក្ដីសុខក្សេនក្សាន្ដ ព្រោះមានអគ្គមហេសីពីរព្រះអង្គស្ថិតនៅជាកម្លាំងចិត្ដ និង ផ្ដល់មតិយោបល់ជូនស្វាមីប្រកបដោយព្រហ្មវិហារធម៌។
លោក វង់ សុធារ៉ា សាស្ដ្រាចារ្យប្រវត្ដិសាស្ដ្រខ្មែរបានឲ្យដឹងទៀតថា តាមការសិក្សាស្រាវជ្រាវកន្លងមកបានបង្ហាញថា ព្រះនាងជ័យរាជទេវី និង ព្រះនាងឥន្ទ្រៈទេវី សុទ្ធសឹងតែជាអ្នកប្រាជ្ញដែលមានចំណេះដឹងខ្ពង់ខ្ពស់ ក្នុងសតវត្សរ៍ទី ១២ ដែលព្រះនាងបានណែនាំស្វាមីឲ្យមានព្រហ្មវិហារធម៌ ក្នុងការដឹងនាំប្រទេសប្រកបដោយទសពិធរាជធម៌ ។
សាស្ដ្រាចារ្យប្រវត្ដិសាស្ដ្រខ្មែរ យល់ឃើញថា ស្ដ្រីពិតជាមានសារសំខាន់ណាស់ក្នុងការជួយជំរុញឲ្យប្រទេសជាតិមានការរីកចម្រើន គឺដូចក្នុងរជ្ជកាលព្រះបាទជ័យវរ្ម័នទី ៧ ជាដើម។
តាមសិលានៃប្រាសាទព្រះខ័ន រូបចម្លាក់ព្រះនាងឥន្ទ្រទេវី ត្រូវឆ្លាក់នៅទីនោះ។ ប្រាសាទដ៏មានប្ញទ្ធិបារមីនេះ ជាថ្នាលបណ្ដុះបណ្ដាល ឬជាសាកលវិទ្យាល័យមួយនាសម័យនោះ ដែលព្រះនាងជាសាស្ត្រាចារ្យ។
ជាបន្ដទៅនេះ សូមនាងកញ្ញា លោក លោកស្រី អញ្ជើញស្ដាប់បទសម្ភាសន៍រវាងកញ្ញា ច្រឹក ស្រីអូន ជាមួយលោកសាស្ដ្រាចារ្យ វង់ សុធារ៉ា ដូចតទៅ៖
