en     km
en     km

នៅ​ថ្ងៃ​ទី​២៣​ កញ្ញា​ នឹង​មាន​បាតុភូត​ព្រះអាទិត្យ​ រះ​ឡើង​នៅ​លើ​កំពូល​ប្រសាទ​អង្គរវត្ត​

Share

សេចក្ដីជូនដំណឹង​របស់​ក្រសួងទេសចរណ៍​ ដែល​ចុះ​ផ្សាយ​ លើ​បណ្ដាញ​សង្គម​នៅ​ថ្ងៃ​ទី​០៦​ ខែកញ្ញា​ ឆ្នាំ​២០១៦​ បានឱ្យ​ដឹង​ថា​ នៅ​ថ្ងៃ​ទី​២៣​ ខែកញ្ញា​ ឆ្នាំ​២០១៦​ ខាង​មុខ​នេះ​ នឹង​មាន​បាតុភូត​ធម្មជាតិ​កើតឡើង​នៅ​ប្រសាទ​អង្គរវត្ត​ ខេត្ដសៀមរាប​។

បាតុភូត ធម្មជាតិ ព្រះអាទិត្យរះឡើង ចំកំពូលកណ្ដាល នៃប្រាសាទអង្គរវត្ត
បាតុភូត ធម្មជាតិ ព្រះអាទិត្យរះឡើង ចំកំពូលកណ្ដាល នៃប្រាសាទអង្គរវត្ត

​សេចក្ដីជូនដំណឹង​ដដែល​ ក៏​បាន​បញ្ជាក់​បន្ថែម​ដែរ​ថា​ បាតុភូត​ធម្មជាតិ​នេះ​ នឹង​កើតឡើង​នៅ​ចន្លោះ​ ម៉ោង​៤​ ទៅ​ម៉ោង​៦​ព្រឹក​។​

​អាស្រ័យ​ហេតុនេះ​ ក្រសួងទេសចរណ៍​ អំពាវនាវ​ដល់​ប្រតិបត្តិ​ករ​ទេសចរណ៍​ ការី​ទេសចរណ៍​ ក្រុមហ៊ុន​ទេសចរណ៍​ និង​ភ្ញៀវ​ទេសចរ​ជាតិ​ អន្ដរជាតិ​ទាំងអស់​ ចូលរួម​ទស្សនា​ និង​ផ្ដិត​យក​ទិដ្ឋភាព​អោយ​បាន​ច្រើន​កុះករ​។​

​តាម​ទំលាប់​ឱ្យ​តែ​ដល់​ថ្ងៃ​ទី​ ២៣​ កញ្ញា​ ពោល​គឺ​មួយ​ឆ្នាំ​ម្ដង​នឹងកើត​មាន​បាតុភូត ធម្មជាតិ​ គឺ​ ព្រះអាទិត្យ ​រះ​ឡើង​ ចំ ​កំពូល​កណ្ដាល​ នៃ​ប្រាសាទអង្គរវត្ត​ ដែល​មើលទៅ​ដូច​ជា​ ដុំ​ភ្លើងដែល​គេយក​ទៅ​ដាក់​ចំពីលើ​​ ដែលពេល​នោះ​ហើយ​ អ្នក​ទេសចរណ៍​ត្រូវ​ប្រ​ញ​ប់​ប្រញាល់​ ងើប​ពី​ព្រឹក​ព្រលឹម​ មក​ថត​យក​រូបភាព​នៃ​អច្ឆរិយៈ​អង្គរ​ដ៏​អស្ចារ្យ​នេះ​៕

Share

Image
Image
Image