ស្វាយរៀង៖ ភាពក្រីក្រនិងការខ្វះខាតផ្លូវ សាលារៀន ទីផ្សារ និងមន្ទីរពេទ្យ នៅតាមតំបន់ព្រំដែនកម្ពុជា-វៀតណាម ដែលស្ថិតនៅក្នុងឃុំត្នោត ស្រុកកំពង់រោរិ៍ ខេត្តស្វាយរៀង បានធ្វើឲ្យប្រជាពលរដ្ឋនៅទីនោះរស់នៅដោយភាពលំបាកគ្រប់បែបយ៉ាង។ ភាពក្រីក្រជាកត្តាមួយដែលនាំឲ្យប្រជាពលរដ្ឋធ្វើចំណាកស្រុកចេញពីភូមិកំណើត។ ទន្ទឹមគ្នានេះផងដែរ ភាពឥតការងារធ្វើនិងអសន្តិសុខ នៅតាមតំបន់ព្រំដែនក៏បានធ្វើឲ្យប្រជាជនលែងចង់រស់នៅក្នុងភូមិស្រុករបស់ខ្លួន មិនចង់រស់នៅពីព្រោះថា ពួកគាត់បារម្ភពីសុវត្ថិភាពផ្ទាល់ខ្លួន និងខ្វះភាពកក់ក្តៅពីអាជ្ញាធរនៅទីនោះ។ ការដែលប្រជាជនលែងចង់រស់នៅតំបន់ព្រំដែន គឺជារឿងគ្រោះថា្នក់សម្រាប់បូរណភាពទឹកដី ព្រោះអ្នកការពារព្រំដែនដែលមានប្រសិទ្ធភាព នោះគឺប្រជាជននេះឯង។
សូមស្តាប់បទយកការណ៍របស់លោក រ៉ឹម ភារី អ្នកយកព័ត៌មានរបស់មណ្ឌលព័ត៌មានស្ត្រីកម្ពុជា ដែលបានចុះទៅដល់ព្រំដែនកម្ពុជា-វៀតណាម ផ្ទាល់នៅទីតំាងឃុំត្នោត ស្រុកកំពង់រោរិ៍ ខេត្តស្វាយរៀង៖
